Kua kōrerohia i tēnei whārangi:

He aha te whakaaetanga retihanga?

Ko te mea tuatahi: He aha ake nei te whakaaetanga retihanga? Ko te kōrero poto, koinā te mea ka waitohua e koe, te kainoho, me te kairetiwhare hei tuhi i ngā mōhiohio hira me te waihanga i tētahi whakaaetanga here ā-ture. Ko ngā mea ka whakatakotohia ko te wāhi noho o te whare e reti ana koe, e hia te utu o te reti, aha atu, aha atu, ko te tūmanako kua kore e rangirua, e taupatupatu rānei ā muri ake.

Ko tētahi mea me mātua mārama koe mēnā he wā whāiti te whakaaetanga, wā haere tonu rānei. Kāore he rā mutunga o te wā haere tonu, ka mutu noa i te tuku pānui ā-tuhi a te kainoho, te kairetiwhare rānei. Engari ko te retihanga wā whāiti, ka mana mō tētahi wā whāiti, pērā i te kotahi tau. Tē taea te whakamutu moata, engari ia mēnā ka whakaae ngā taha e rua, ā, me whakarite koe koinā te whakatau tika i mua i tō waitohu.

Ahakoa i raro i te ture ka āhei koe ki te wehe i te kāinga i tō ekenga ki te 16 tau, he uaua ake kia whakaae tētahi kairetiwhare ki tētahi whakaaetanga retihanga kia eke rā anō koe ki te 18 tau. Mēnā 16, 17 rānei ō tau, ka tono te kairetiwhare i ētahi wā kia waitohua e tētahi matua, kaiwhakaū rānei mōu.

Nā te mea nā ngā pōauautanga o te whakarite whakaaetanga here ā-ture me tētahi tangata kei raro i te 18 tau, engari ina eke koe ki te 18 ka māmā ake te tukanga.

Ngā hono whaitake:

He aha ngā mea me whakauru ki taku whakaaetanga retihanga?

Ahakoa kei runga ētahi taipitopito o tō whakaaetanga retihanga ki te wāhi e reti ana koe, pērā i te utu i te reti, kei reira anō ētahi atu āhuatanga noa me whakauru i ngā wā katoa.

Ko ētahi mea taketake me mātua uru ki te whakaaetanga:

  • ko te wāhi o te whare
  • te rahinga me te wā o te utu ka utua e koe
  • e hia ngā tāngata e āhei ana ki te noho i roto i te whare
  • te rā i waitohua te whakaaetanga me te wā tīmata o te retihanga.

Kia kite ai koe i tētahi whakaaetanga retihanga, pāwhiri ki te tātauira a te Tenancy Services i raro.

Ngā hono whaitake:

He āhuatanga ture anō me mōhio ahau?

Ko tētahi mea me mōhio koe me mātua whai koe i te ture retihanga i ngā wā katoa i mua i te whai i tō whakaaetanga retihanga. Hei tauira, mēnā e kī ana tō whakaaetanga ka taea e te kairetiwhare te pana i a koe ina hiahia ana ia, ka takahi tēnei i te ture, kāore e mana.

Nō reira, me whai tārua tā koe o tō whakaaetanga i ngā wā katoa me ētahi atu tuhinga hira, kia whiwhi whakaaturanga koe ki te mukua tuihonotia.

Ngā hono whaitake:

Ngā paetukutuku hira

  • Community Law: Ko te paetukutuku a te Community Law Centre te kāinga whaimana o ngā Community Law Centres puta noa i Aotearoa, e whakarato ana i ngā āwhina ture koreutu ki ngā tāngata puta noa i te motu.
  • Youth Law: He paetukutuku e tuku ana i ngā āwhina ture koreutu puta noa i Aotearoa, me tētahi whārangi whaitake o ō mōtika.

Next in Te wehe i te kāinga