E mārama ai te tangata ki te kāwanatanga i Aotearoa me ngā āhuatanga pāpori e noho nei tātou, e whakahirahira ana te mōhio ki ngā tuhinga e noho tūāpapa ana i Aotearoa:
He Whakaputanga (1835). Ko tēnei te whakapuakanga tuatahi o te mana Māori ki te ao.
Te Tiriti o Waitangi (1840). He kirimana ōkawa tēnei i waenga i te Karauna o Ingarangi me ngā tini rangatira Māori mō te āhua o te whakahaerenga o ngā kirirarau o Aotearoa me te mahi tahi i waenga i te Karauna me Ngāi Māori.
I rerekē te māramatanga o ia taha ki te tikanga o ēnei tuhinga, nā konā i tutū ai te puehu mō te hunga nōna te mana whakahaere i Aotearoa. Ko te waitohunga kētanga o He Whakaputanga me ngā rerekētanga i waenga i te tuhinga reo Māori me te tuhinga reo Pākehā o Te Tiriti ētahi pūtake nui o te taukumekume.
Te kapetuhi ataata available for No wai te ringa i auaha i enei kupuHuakiKati
No wai te ringa i auaha i enei kupu
Whakaahua
He pakiwaituhi peita waikano o tētahi tangata e noho ana i te taha o tētahi tēpu mā i runga i tētahi whenua e toro ana ki te moana. Ka puta mai ētahi tāne, kei te mau korowai ētahi, he parauri, he kaho ngā tae, ā, kei te mau tarau, wetikote, pōtae hoki ētahi atu. He tuhituhi tītaha e mea ana 'Waitangi, Whiringa-ā-nuku 1835'.
Oro
Nō te Whiringa-ā-nuku i te tau tekau ma waru tekau ma rima i hui ai ētahi rangatira e toru tekau ma wha i tētahi puke i Waitangi.
Whakaahua
Kua whakatakotohia i te kiko o te rangi tētahi tuhinga i tuhia ā-ringatia, ā, e tuhi ana tētahi ringa i ngā kupu nei ‘He Whakaputanga’ ki te tuaka kōrako.
Oro
I hui rātou i runga i te whakaaetanga ki te waitohu i te Whakaputanga kia whakapūmautia ai tā rātou noho hei tangata whenua, ā, mā rātou hoki e whakahaere te nui o ngā kainoho Pākehā e piki haere ana. Engari nā wai i tuhi ngā kupu i hui ai ēnei rangatira?
Whakaahua
Kei te noho a Eruera, he tuaka kei te ringa. Kua ūhia tōna hūtu pango me tōna hāte mā ki tētahi korowai. Ka hoki ōna mahara ki tētahi tāne whai pāhau e ngoikore ana, e mau piupiu ana, e hinga whakamuri ana i te mura o te ahi.
Oro
Nā Eruera Pare Hongi.
Whakaahua
Kei raro iho i te rangi pūwherowhero a Hongi e morimori ana i a Eruera pēpi i tētahi o ōna ringaringa, kei tērā atu tētahi pukapuka e mau ana.
Oro
He pēpi noa iho a Eruera i te matenga o tōna matua i te pakanga, ka whāngaihia ia e te rangatira nui, e Hongi Hika.
I runga i te mōhio o Hongi ki ngā huringa e haere ake nei, ka mōhio ia ki te whaitake o tā Eruera ako i ngā pūkenga e ora ai ia me tōna iwi.
Whakaahua
Kei te moana uriuri tētahi kaipuke, e rua ōna tira, e teretere ana.
Oro
Nō reira, i tonoa a Eruera e ōna kaumātua ki Poihākena ki te ako i te pānui me te tuhi.
Whakaahua
Ka hoki whakamua, kei te noho a Eruera pakeke i mua i ētahi tuhinga kei runga i tētahi tēpu kua mārama i te kānara. Ka titiro ia ki a James kei tōna taha e wharara ana i te tēpu.
Oro
I pērā rawa te nui o ōna pūkenga ka kōwhiria ia e tōna iwi kia mahi tahi ki a Te Poihipi ki te tuhi ngātahi i te Whakaputanga o te rangatiratanga Māori o te whenua hei hononga ki te Kīngi o Ingarangi.
Whakaahua
He tirohanga ā-manu o ngā rangatira e huihui ana ki te waitohu i te whakaputanga. Kua whakatakotoria i runga ake te tuhinga taketake i tuhia ā-ringatiae. Kua kōwhai te pepa, kua tīhaea hoki ngā ōna tapa.
Oro
Nō reira, nā te ringa rehe o te rangatahi Māori te tuhinga i auaha, ā, nā taua tuhinga i hui mai ai ēnei rangatira.
Whakaahua
Te tohu kāirikiōrangi, karaka, waiporoporo hoki o He Tohu. He whakaputanga, he tiriti, he petihana. Tohumarau He Tohu. Te Puna Mātauranga o Aotearoa, Te Whanganui-a-Tara. (Kāore ētahi tuhinga whai tikanga ā-motu i tūkinotia i te hanganga o tēnei pakiwaituhi.) Te tohu o te Kāwanatanga o Aotearoa.
Ki te kore te Whakaputanga, kua kore nei pea Te Tiriti o Waitangi. Haere mai ki He Tohu ki te ako i ētahi atu kōrero.
Te kapetuhi ataata available for Ngā haerenga o te Tiriti o WaitangiHuakiKati
Ngā haerenga o te Tiriti o Waitangi
Mātakina te haerenga o ngā puka e 9 o te Tiriti i ngā marama e 8 i te tau 1840 puta i Aotearoa. I tau atu ngā puka ki ngā wāhi e 45, e 542 hoki ngā waitohu i kohia.
Nō te tēpu mahere i te whakaaturanga o He Tohu tēnei pakiwaituhi.
He kanawehi ahu-3 te tēpu mahere e whakaatahia ai ngā kōrero i runga ake. He pārongo anō ki https://natlib.govt.nz/he-tohu
He mea whakaatu a He Tohu e Archives New Zealand Te Rua Mahara o te Kāwanatanga me te National Library of New Zealand Te Puna Mātauranga o Aotearoa, hei wāhanga hoki aua whakahaere e rua mō Te Tari Taiwhenua.
Te tukanga o ngā whakataunga Tiriti
He mea whakatū te Taraipiunara o Waitangi i te tau 1975 kia rangona ai ngā kerēme a ngāi Māori mō ngā nunumitanga i puta i ngā mahi hē a te Karauna. Nā reira i tīmataria ai te tukanga o te whakatau kerēme Tiriti, e haere tonu ana i ēnei rā. He pārongo atu anō mō ngā kerēme me ngā whakataunga o te Tiriti kei te pae tukutuku o Te Tai Ngā Kōrero Whakataunga Tiriti.
Mā te kōti hoki e whakatau ngā take o Te Tiriti i ngā wāhi e whakahuatia ai Te Tiriti i roto i te ture. Heoi, kāore anō kia tau te tūranga ā-ture o Te Tiriti, ā, e haere tonu ana tēnei take whakahaehae nui.
