Get your driver licence

Me whiwhi koe i tō raihana hautū

E rangona ana ngā puoro whakaohooho puta noa.

Tuhinga i te mata:
Me whiwhi koe i tō raihana hautū
Me whiwhi koe i tō raihana hautū

I runga kāmera: Ka kitea te Kaitaki Kōrero e pupuri ana i te hamarara i roto i te ua me te anga ki te kāmera. Ka kitea a Ākonga 1 e tere ana ki te akomanga mā runga kutarere i roto i te ua.

Raihana hautū - mā tēnei ka aha? He mea nui kia tae koe ki ō akomanga. Āwhiowhio ana tō kuhunga?

I runga kāmera: Ka hinga a Ākonga 1, ā, ka kitea e te Kaitaki Kōrero

Oof

I runga kāmera: Ka kitea a Ākonga 2 i rō pēke, me te nanao atu ki tana raihana. Ka kitea te Kaimahi pēke e tū ana ki te taha o te Kaitaki Kōrero i te rorohiko.

Ehara noa ko te kawe i a koe i te A ki te B te kaupapa o te raihana hautū. He hāpono hoki o tō tuakiri. E huaki ana koe i tētahi pūtea pēke? Kua tau.

I runga kāmera: Ka kitea a Ākonga 3 e tū ana i te taha o te rori e ngana ana ki te haere pakituri i te wā e ua ana, kei te mau kahu muramura me te tātua kāmura. E pōuri ana te āhua o Ākonga 3 i te hipanga o tētahi motokā. Ka kitea tētahi atu motokā e tū ana ki te kohi i a Ākonga 3.

Kua rite ki te whakawhiti atu i te mahi kāinga ki te tūranga mahi tūturu kia tutuki ana te kura?

I runga kāmera: Ka kitea te Kaitaki Kōrero e kōrero ana i roto i te motokā.

Tumeke. Kotahi noa te mate. Mō te nuinga o ngā tūranga mahi pūhou, me whiwhi raihana hautū koe. Tēnā whai mai. Māku e whakaatu me pēhea te piki taumata.

I runga kāmera: Ka kitea te Kaitaki Kōrero e hautū waka ana me Ākonga 3 i a ia e whakamārama ana i ngā mahi e whiwhi ai ia i te raihana ako. Ka nanao atu a Ākonga 3 i te puka o Ngā Tikanga Hautū Waka.

Taumata 1: Raihana ako. Ākona Ngā Tikanga Hautū Waka. Me tutuki tō whakamātautau ā-tuhi. Me whakaatu ō Pereti L.

I runga kāmera: Ka kitea a Ākonga 3 e hautū waka ana me te Kaitaki Kōrero e whakamārama ana i ngā mahi e whiwhi ai ia i te raihana here. Ka tūtuki ringa rāua.

Taumata 2: Raihana here. Me whakaharatau i te taha o tētahi mema whānau, hoa tautōhito rānei, whai raihana matua. Me tutuki tō whakamātautau ā-ringa. Kātahi ka hautū waka me tō kotahi, i ngā hāora e whakaaetia ana. Hei konā kua takoto te mānuka. Kua wātea ngā kōwhiringa.

I runga kāmera: Ka kitea te Kaitaki Kōrero i te tūru o muri o te motokā, me Ākonga 4, me tētahi mema Whānau e takatū ana ki te haere mā runga waka. Ko te Mema Whānau kei te tūru hautū, ā, ko Ākonga 4 kei te tūru pāhihi.

Kua hōhā koe i te tono i tētahi o te whānau hei hari haere i a koe? Ka kite nei koe, arā noa atu ngā hua o te raihana. Ka noho koinei tō puka āheinga whānui...
I runga kāmera: Ka kitea he hopunga karapīpiti o Ākonga 3, Ākonga 1 me Ākonga 4.

Ki te mahi. Ki te ako...me te oranga hoki.

I runga kāmera: Ka kitea a Ākonga 4 e nunumi atu ana ki te tōnga o te rā. "Me whiwhi koe i tō raihana hautū. Huraina ō kōwhiringa. Kōwhiria tō ara whakamua." ka kitea ki te mata. Ka mutu te ataata me tētahi hononga ki te paetukutuku School Leavers’ Toolkit.