Kua kōrerohia i tēnei whārangi:

Tiakina tō hauora ā-tōkai

Ko te ai me tētahi atu, ki te kore koe e tūpato, ka pā mai ētehi āhuatanga tē hiahiatia. Ka pā mai pea tētahi mate paipai (STI), ka hapū ohorere rānei. He pānga kino pea ō ēnei mea e rua, engari ko te tikanga ka taea ēnei te karo mēnā ka whai koe i ētahi whakatūpato.

Ko ngā tauira o aua whakatūpato ko:

  • ngā pūkoro ure
  • ngā pire ārai hapū (he ārai i te hapūtanga anake)
  • ngā kuhi ārai hapū (he ārai i te hapūtanga anake)
  • kōkuhu ārai hapū (IUD, IUSC) (he ārai i te hapūtanga anake)
  • ko ētahi mahi i tua atu i te ai, pērā i te kihikihi, awhiawhi, tītoi rānei.

Mō te hunga kua ai me te kore ārai, kāore rānei i mahi i te tikanga ārai hapūtanga, kei reira anō ētahi atu kōwhiringa mēnā kei te māharahara koe mō te hapūtanga. Ka taea e tētahi pire ārai hapūtanga ohotata te ārai i te hapūtanga, engari ia mēnā ka kainga i raro i te 72 haora (3 rā) o te mahi ai. Ka taea ēnei te hoko mai i tētahi taka rongoā, ngā whare haumanu Family Planning, tō rata rānei mō te ota rongoā.

Mēnā kei te mahi ai koe, me whakarite kei haere koe kia tirotirohia haerehia koe mō te STI.

Engari kaua e whakawhirinaki ki ēnei, ko te mea pai rawa mō te karo i te pānga mai o ngā mea ohorere ko te whai i ngā whakatūpato me te tūpato anō.

 

Me kōrero ahau ki a wai?

He mea nui te whai hoa hei kōrerorero ki a koe mēnā ka tika tō whakahaere i tō hauora ā-tōkai.

He mea nui anō te whakatipu i te whanaungatanga pono me tō rata. Mā te mōhio kei te haere koe ki tētahi rata e mārama ana ki tō hītori, ā, me pēhea te tiaki i a koe, otirā mō te hunga nō te hapori LGBTQIA+, ka āwhina i a koe ki te tiaki i tō hauora ā-tōkai.

Ko ētahi atu ratonga ka taea e koe te whakapā atu ko ēnei:

  • Sexual Wellbeing – Ka taea e koe te waea atu, te whakarite tāpuitanga me Family Planning mō ngā tohutohu e pā ana ki ngā take hauora ā-tōkai, whakaputa uri hoki.
  • Healthline – He tuku tohutohu a Healthline me ngā mōhiohio mai i ngā nēhi pono, whai rēhita hoki.
  • Youthline – E wātea ana Youthline ki te matapaki i ngā momo take e hāngai ana ki te hunga taiohi, tae atu ki te hauora ā-tōkai.

Ngā paetukutuku hira

  • HealthEd: He tino paetukutuku a HealthEd mō te rapu i ngā rauemi hauora koreutu. Kei reira ngā momo mea katoa mai i te hauora hinengaro ki te hauora ā-tōkai, ā, he maha ngā ihirangi matawhānui mai i Te Manatū Hauora me Te Hiringa Hauora.
  • Te Manatū Hauora: Ko Te Manatū Hauora te tari Kāwanatanga e whakahaere ana i ngā take hauora me te hauātanga. I tua atu i te whai momo tuhipānui, he mōhiohio anō ā rātau kei tā rātau paetukutuku mō Healthline, ā, he tau tēnei e taea e koe te waea atu mēnā kei te rapu tohutohu koe.

Next in Hauora