Kua kōrerohia i tēnei whārangi:

Kaua e whakauauatia

Ko te mea tuatahi: me whakarite he māmā te pānui i tō tāhuhu tangata. Kāore he kairapu kaimahi, kaituku mahi rānei i te hiahia whakapau wā ki te rapu i te māramatanga o tāu i tuhi ai. Mā te whakarite kia māmā, kia mārama hoki ka nui ake te tūponotanga ka tonoa koe kia uiuitia.

Ētahi kupu āwhina kia whai whakaarohia:

  • Me whakamahi tongi matā (bullet point) hei whakarārangi i ō mōhiohio.
  • Kia rua whārangi noa iho te roa o tō tāhuhu tangata.
  • Me whakamahi i ngā rerenga kōrero poto.
  • Me tuhi ki te tae pango, momotuhi me te rahi mārama, pērā i te Arial, Calibri rānei.

Kia maumahara: Me pātai ki tētahi tangata kia pānuitia tō tāhuhu tangata ina oti. Ka taea e ia te mea atu ki a koe mēnā he māmā ki te pānui, ka mutu mēnā i kitea e ia he hapa, hapa whakatakoto kōrero rānei.

Ngā hono whaitake:

Whakaaturia ō pūkenga me ō whakatutukitanga

Ko te take me māmā, me mārama tō tāhuhu tangata kia kore ai e mahue i ngā kairapu kaimahi, kaituku mahi rānei ō pūkenga, wheako hoki. Inā, koinei te take e pānuitia ana e rātau i te tuatahi. He pai tonu te tongi matā (bullet point) i ō pūkenga i te tīmatanga, kia mōhio ai te kaituku mahi he aha ō pūkenga matua.

Mēnā me whiwhi āwhina koe ki te wherawhera i ēnei, tirohia tā mātau tuhipānui i raro:

Ina mōhio koe he aha ō pūkenga matua, koinā te wā hei whakaatu ki roto i tō tāhuhu tangata. E oti ai tēnei, me mātua whakarite koe:

  • kei te mārama koe ki ngā pūkenga e hiahiatia ana mō te mahi
  • me whakauru i ngā tauira o tō whakamahi i ēnei pūkenga
  • me kōrero mō ētahi atu o ō pūkenga hāngai.

Mēnā kua mahia e koe ētahi atu wheako mahi, mahi hapori rānei, me whakarite ka whakaurua anō e koe ēnei. Kei te hiahia ngā kaituku mahi ki te mōhio he aha ō momo wheako, nō reira me whakaputa!

He pai tēnei ataata a Careers.govt.nz kia mōhio ai koe he aha ngā mea me whakauru ki tō tāhuhu tangata, ā, me pēhea te tuhi hei rauemi pai mō ētahi atu mōhiohio.

Ngā hono whaitake:

Ngā mea hei karo

E tino mīharo ai ngā kaituku mahi, kairapu kaimahi rānei ki a koe ina pānui i tō tāhuhu tangata, me mōhio anō koe ki ngā momo hapa hei karo. Mā te tono i tētahi kia āta tirotirohia ka āwhina, heoi, tērā ētahi hapa noa a te tangata me mōhio koe.

Kua hangaia e Careers.govt.nz tētahi rauemi kua hono nei mātau i raro, anei ētahi mea hei karo:

  • ngā hapa me ngā hē
  • he takotoranga matatini
  • he nui rawa ngā mōhiohio.

I tēnei wāhanga, me tirotiro anō tō wāhitau īmēra me te karere whakautu waea. Ahakoa kāore i te hono tika ki tō tāhuhu tangata, kāore e pai ki ngā kaituku mahi mēnā kāore i te tika tō wāhitau īmēra, te karere rānei o tō waea, nō reira koinei te wā pai hei huri i ērā!

Ngā hono whaitake:

Ngā tātauira tāhuhu tangata pai

Tērā te maha o ngā tātauira tāhuhu tangata rerekē hei āwhina i a koe ki te tuhi me te hoahoa i tāu ake. Me mātua tuhi i ngā wā katoa kia hāngai ki te mahi e tonoa ana e koe, engari he pai ngā tātauira mēnā kei te kimi koe i ētahi tauira pai.

Mō tētahi tirohanga whānui o ngā momo tāhuhu tangata rerekē, e tūtohu ana mātau kia tirohia ngā tātauria me ngā tohutohu a:

Ngā paetukutuku hira

  • Careers.govt.nz: He mōhiohio ō Careers.govt.nz mō ngā mea katoa mai i te tono i ngā karahipi ki te tuhi tāhuhu tangata, e āwhina ana i a koe ki te whiriwhiri he aha te ara mahi tika mōu.
  • Youth Employment Success: E arotahi ana ki Ōtepoti, he whakahaere a Employment Success e whakapau kaha ana ki te whakarite i te koremahi o te taiohi.

Next in Te whiwhi mahi