Ōku pūkenga me ōku kaha

He aha ngā momo pūkenga?

Mēnā ka whakaaroaro koe ki ngā mea e taunga ana koutou ko ō hoa, ko te tikanga kāore e uaua kia kite i ngā tūmomo pūkenga o te tangata. Otirā, he rerekē ia tangata!

I te mahi, e toru ngā momo rōpū pūkenga matua. Anei aua mea:

• ngā pūkenga whai mahi
• ngā pūkenga whakawhiti
• ngā pūkenga motuhake.

Kei ia wāhanga nei ko ngā tūmomo pūkenga tauwhāiti anō. Hei āwhina i a koe kia mārama koe ko ēhea ngā pūkenga kei a koe, me tātari e tātau ēnei.

He pai tonu te mātakitaki i te ataata a Careers.govt.nz hei tīmata i a koe.

How to find out what your skills are for your CV and job hunting

Ngā hono whaitake:

• Careers.govt.nz - ‘Figure out your skills’

Ngā pūkenga whai mahi

Ko ngā pūkenga whai mahi ngā mea hira rawa mō te wāhi mahi. Kei roto i tēnei ko ngā mea pērā i te waiaro pai, mahi tahi me te manawaroa, ka mutu koinei ngā mea i tohua e ngā kaituku mahi hei tino pūkenga e kimihia ana e rātau.

Ngā hono whaitake:

• Careers.govt.nz – ‘Why are these seven skills so important to employers’
• Te Kete Mā Ngā Tamariki Wehe i te Kura - 'Ngā pūkenga e kimihia ana e ngā kaituku mahi'

Ngā pūkenga whakawhiti

Ka taea te pūkenga whakawhiti te whakamahi i ngā āhuatanga, mahi rānei neke atu i te mea kotahi. Ehara i te tauwhāiti, ka mutu ka whakamahia noatia i waho i te mahi, ā, i roto i te wāhi mahi. I te nuinga o te wā ka whakawhiti anō ki ngā pūkenga whai mahi.

Anei ētahi tauira o ngā pūkenga whakawhiti:

• te kaha ki te whakariterite me te whakahaere i tētahi rōpū
• ngā pūkenga whakawhiti kōrero pakari
• ka mātau ki ngā tirotirotanga.

Ngā pūkenga motuhake

Kāore e tino kitea whānuitia ngā pūkenga motuhake pērā i ngā pūkenga whai mahi, whakawhiti rānei, engari i te nuinga o te wā he tino hira mō ngā mahi rerekē. E hāngai pū ana ēnei ki tētahi mahi tauwhāiti, ētahi kohinga mahi rānei.

Ko ētahi tauira ko te:

• te kōrero i tētahi atu reo
• te mōhio ki te whakamahi utauta hangarau.

Ngā pūkenga i riro mai i waho o te mahi

Ahakoa kāore koe i whiwhi mahi i mua, kei a koe tonu pea ētahi o ngā pūkenga e kimihia ana e ngā kaituku mahi. Ka taka mai anō ēnei i te nuinga o te wā ki te wāhanga pūkenga whakawhiti, whai mahi rānei, ā, kei roto ko ēnei mea:

• Te ako me pēhea te whakahaere tāngata mai i te āwhina ki te whakahaere i tētahi tīma hākinakina paetata.
• Te whakapai ake i ō pūkenga whakariterite mā te āwhina ki te manaaki tāngata i te marae.

Kei wareware koe ki ēnei ina tuhia e koe tō tāhuhu tangata, i tō uiui mahi rānei. Ka āwhina kia pai ake tō whakaatu i ō pūkenga!

He aha ngā momo pūkenga ka taea e au me ōku pūkenga?

Nā, kua whai wā koe ki te whakaaroaro he aha ō pūkenga me ō kaha, ka hiahia pea koe ki te mōhio he aha te tikanga o tēnei mō tō mahi. E tuku ana te wāhanga 'He aha te ara mahi e tino hāngai ana ki ahau?' o tēnei pae i ētahi mōhiohio anō, engari me mātua tirotiro anō e koe te utauta Pūwhakataurite Pūkenga kei Careers.govt.nz i raro.

Ngā hono whaitake:

• Careers.govt.nz – ‘Skill Matcher’
• Te Kete Mā Ngā Tamariki Wehe i te Kura – 'Kōwhiria he ara mahi'

Ngā paetukutuku hira

• Careers.govt.nz: He mōhiohio ō Careers.govt.nz mō ngā mea katoa mai i te tono i ngā karahipi ki te tuhi tāhuhu tangata, e āwhina ana i a koe ki te whiriwhiri he aha te ara mahi tika mōu.