Kua kōrerohia i tēnei whārangi:

He aha ētahi tikanga o te whakaatu a te tangata i a ia anō?

Tuatahi, me mārama te kōrero i konei he aha ake te tuakiri hōkakatanga me te ira tangata.

Ko te hōkakatanga ko tāu titiro ki a koe anō me tō whakaputa i tō taha whakaipo, hōkaka hoki. He rerekē tēnei mō ngā tāngata katoa, ā, ehara i te mea ko te kī he moe tāne/wahine mēnā he tāne/wāhine, he takatāpui rānei.

Ko te tuakiri ira tangata ko tō mārama tērā ki tō ira tangata, he pēhea tō whakaatu i tēnei ki ētahi atu, ā, me tō hiahia mō te manaaki a ētahi i a koe.

Kei reira anō ētahi atu tikanga e tohu ai te tangata i tōna hōkakatanga, ira tangata hoki. Ko ētahi kupu pea i rongo koe ko ēnei:

  • Transgender (he kupu mō te hunga he rerekē tō rātau tuakiri ira tangata, whakapuaki ira tangata hoki/rānei mai i tō rātau whānautanga mai).
  • Bisexual (he kupu mō te hunga e ingoingo ana ki ngā ira tangata neke atu i te kotahi).
  • Takatāpui (he kupu mō te hunga e ingoingo ana ki te ira tangata ōrite ana ki tō rātau anō).
  • Fa’afafine (he kupu nō te ao Hāmoa mō te hunga i whānau tāne mai engari he whakapuaki kē i ngā momo āhuatanga o te wahine. He rerekē ki te ao Pākehā te ira tangata tauwhiti, he tūranga ake ō te fa’afafine i roto i te iwi. He kupu anō ā ngā iwi o Te Moananui-a-Kiwa e āhua ōrite ana, pērā i te fakaleiti i te reo Tonga).

He ahurei, he whaiaro te āhua o te hono o te tangata ki tō rātau ira tangata, hōkakatanga hoki, ahakoa he wahine, he ira tangata tauwhiti, taerarua, takatāpui rānei. Ko te mea kia tino tau koe i roto i tōu ake āhua.

Ngā hono whaitake:

He ō te tangata tika?

Ahakoa he aha tō tuakiri, he tika ōu e tiaki i a koe i raro i te ture. Ko te ture matua kei roto i te Ture Tika Tangata 1993, e kī ana: "Whānau mai ai ngā tāngata katoa me te kore here, e ōrite ana te tū rangatira me ngā tika". Nō reira, i raro i te ture, he ōrite ngā tāngata katoa, ahakoa tōu ao.

Kei reira anō ngā tika maha e kapi ai ngā wāhi whāiti o tōu ao, ahakoa ko te kāinga, kura, mahi rānei.

Ko ētahi tauira ko te:

  • hei whiwhi i ngā ratonga hauora ahakoa tō ira tangata, tuakiri hōkakatanga rānei
  • kia kaua e whakahāweatia i a koe i te mahi
  • kia kaua e tūkinohia ā-tinana, ā-ngākau e tō hoa.

Mō ētahi atu mōhiohio mō ngā mea e āhei atu ana koe i ngā āhuatanga rerekē, he pai te tiro i te hono mō Rainbow Rights i raro.

Ngā hono whaitake:

Pēhea ngā rauemi me ngā wāhi whaitake mō ngā tautoko?

Hoki atu, hoki atu, ko te kimi tāngata e rata ana koe, ka taea e koe te kōrerorero mō ngā uauatanga, te mahi tuatahi, nui rawa pea mō te whakarite i ngā raruraru. Ahakoa ko ngā hoa me te whānau, ko te whai i te hunga e tata ana ki a koe ki te tautoko i a koe te mea hei āwhina i a koe kia tau, kia rongo i te wairua whakamaioha.

Mēnā kei te hiahia tautoko atu anō koe, kei reira anō ētahi atu rauemi e tuku ana i ngā mōhiohio whai take, me ngā whakahaere e whakatū ana i ngā huihuinga, ngā rōpū tautoko, ka taea te whakapā atu mō ngā āwhina. Kua tukuna atu ētahi tauira i raro.

Ngā paetukutuku hira

  • Community Law: Ko te paetukutuku a te Community Law Centre te kāinga whaimana o ngā Community Law Centres puta noa i Aotearoa, e whakarato ana i ngā āwhina ture koreutu ki ngā tāngata puta noa i te motu.
  • Gender Minorities Aotearoa: He pātengi raraunga ā-motu tā Gender Minorities o ngā mōhiohio me ngā rauemi ira tangata tauwhiti, takatāpui, whakawhiti ira tangata, e kapi ai ngā mea katoa mai i te manaaki whaiaro ki ngā rōpū tautoko hapori.
  • Te Kāhui Tika Tangata: Ka whakapau kaha Te Kāhui Tika Tangata ki te tiaki i ngā mōtika o ngā momo tāngata katoa i Aotearoa. Ka tirotirohia e rātau ngā mōtika i te mahi, i ō āhuatanga hoki o ia rā.
  • Youth Law: He paetukutuku e tuku ana i ngā āwhina ture koreutu puta noa i Aotearoa, me tētahi whārangi whaitake o ō mōtika.

Next in Te tiaki i ahau anō me ētahi atu