Kua kōrerohia i tēnei whārangi:

He tari ratonga tūmatanui ngā tari kāwanatanga i whakatūhia hei whakatūturu ka haere pai ngā mahi a te motu.Rapu mēnā he tari kāwanatanga te whakanōhanga i toro atu koe mā te whakamahi i te rārangi raro:

He aha ngā momo mea ka taea e au te tuku amuamu?

Ehara i te mea he tino whāiti pū ngā mea ka taea e koe te tuku amuamu, kāore rānei, ka mutu me hāngai ki te āhuatanga. Engari kia maumahara, ehara i te mea me mātua taumaha te raruraru kia āhei ai koe ki te tuku amuamu. Ahakoa kāore koe i whakaae ki tētahi whakatau i tukuna e Te Kaporeihana Whare o Aotearoa, kāore rānei tētahi tari i te whakahoki kōrero ki a koe mā te waea, īmēra rānei, mēnā ki ō whakaaro kāore i te tika te manaaki i a koe, kei te tika koe ki te tuku amuamu.

Kei te āhua kē o te take te wāhi e haere ana koe ki te rapu āwhina, engari he huarahi kei reira ahakoa ō āhuatanga.

Me aha ahau mēnā ki ōku whakaaro kāore i tika te manaaki i ahau?

Mēnā ki ōu whakaaro kāore i tika te manaaki a tētahi tari i a koe, kei reira ētahi mahi hei whai māu hei whakamātau ki te whakatika i te āhuatanga.

Anei aua mea:

  1. Te tuku amuamu ki taua tari tonu.
  2. Mēnā kāore koe i te rata ki tā rātau whakautu, mēnā rānei kāore koe i whiwhi i tētahi, me whakapā atu ki tētahi whakahaere ka taea te āwhina (pērā i Te Kaitiaki Mana Tangata).


Ahakoa tonu kāore koe i te tino mōhio i tika te manaaki i a koe, hei pai tonu te whakapā atu ki Te Kaitiaki Mana Tangata. Ka manaaki tēnei tari i ngā hiahia o te iwi whānui ina mahi tahi ana me te kāwanatanga. I te nuinga o te wā, ka taea ō pātai te whakautu i runga waea, mā te whakakī rānei i tētahi puka amuamu kei tā rātau paetukutuku.

Ki maumahara, mēnā kei te tuku amuamu koe mā tētahi atu, me māua whakarite kei a koe tana whakaaetanga ā-tuhi mō tēnei.

Ngā hono whaitake:

Me huri ahau ki a wai mō ngā tautoko?

Mēnā kāore e taea te kōrero tōtika atu ki te tari kāwanatanga, kei reira anō ētahi atu rōpū me ngā āpiha ka taea rā koe te tautoko mai ki te tuku i ngā tautoko hāngai ake ki a koe. Hei tīmatanga, me totoro atu ki:

  • Te Kaitiaki Mana Tangata: Ka āwhina Te Kaitiaki Mana Tangata i te iwi whānui i roto i ngā whakapāpātanga me ngā tari kāwanatanga. He motuhake mai ia i te Kāwanatanga, kei raro kē ia i te Pāremata, ā, ka taea e ia te āwhina me ngā take mai i te whakapuaki mahi kino ki te kore whakautu rānei a tētahi tari i ō waea. Kāore e taea e Te Kaitiaki Mana Tangata te tuku whakatau here ā-ture, engari he tere, koreutu, whaikiko, ā, he maha ngā take ka taea e ia. He tangata Te Kaitiaki Mana Tangata Matua e tautokona ana e Te Tari o te Kaitiaki Mana Tangata.
  • Ngā kōti: He nui ake te utu o te heri i tō amuamu ki te kōti, e kīia ana he arotake whakatau, ā, he pōturi ake i te haere ki Te Kaitiaki Mana Tangata. Ka taea e te kōti ngā whakatau here ā-ture, ka mutu koinei te huarahi pai ake mēnā i takahia e te tari te ture.

I ētahi wā, ka tūtohua tētahi atu whakahaere ki a koe e ai ki tō amuamu, pērā i Te Toihau Hauora, Hauātanga. Mēnā mō tētahi tari kāwanatanga tō take, ā, kei te rapu tohutohu koe i te tuatahi, ko Te Kaitiaki Mana Tangata kē te mea pai rawa hei kōkiri i tō take.

He rauemi pai anō te hono Complaint Line i raro hei āwhina i a koe ki te whiriwhiri ko hea te wāhi pai rawa mō te tiki tautoko.

Ngā hono whaitake:

Ngā paetukutuku hira

  • Community Law: Ko te paetukutuku a te Community Law Centre te kāinga whaimana o ngā Community Law Centres puta noa i Aotearoa, e whakarato ana i ngā āwhina ture koreutu ki ngā tāngata puta noa i te motu.
  • Te Kaitiaki Mana Tangata: He mea whakatū i te tau 1962, ka āwhina Te Kaitiaki Mana Tangata i te iwi whānui i roto i ngā whakariterite me ngā tari kāwanatanga.
  • Youth Law: He paetukutuku e tuku ana i ngā āwhina ture koreutu puta noa i Aotearoa, me tētahi whārangi whaitake o ō mōtika.