Kua kōrerohia i tēnei whārangi:

Ngā tauira o ō tika

He mōhiohio āmiki kei te paetukutuku Consumer protection mō ō tika ina hoko ana i tētahi hua, ratonga rānei mai i tētahi pakihi i Aotearoa. Kia mōhio koe kāore i te hāngai ēnei tika ki ngā tauhokohoko tūmataiti, pērā i te hoko mea mai i tētahi kaiwhakamahi kē i Pukamahi, e kōrerohia ai, e whakaaetia ai te āhua o te hoko e kōrua ko te kaihoko atu.

Anei ētahi tauira o ngā mea e āhei ana koe mēnā ka takahia ō tika kiritaki:

Ka aha mēnā ki te tūpono ka hē

Me whiriwhiri mēnā he whaitake tō tuku amuamu me te whakamātau ki te whakarite i te raruraru. Kia mōhio koe he whai take te whiwhi pūkete me ngā tuhinga hāngai hei tautoko i tō kēhi, pērā i ngā rihīti, ngā nama, ngā whakaaturanga pēke rānei. Kei te paetukutuku Consumer protection ko ngā mea hira hei whakaaroaro ina whiriwhiri ana mēnā he whaitake tonu te tuku amuamu. Tirohia te Tiro mēnā he tika tō take.

Mēnā ka whakaae koe he take tāu, me wawe tonu tō whakapā atu ki te pakihi, te kaituku ratonga rānei ka whakamārama atu i te raruraru me tāu e hiahia ana kia whakaritea. Mā te kōrero mō ngā ture kiritaki hāngai e taituarā ana i a koe, pērā i te Consumer Guarantees Act, te Fair Trading Act rānei, ka āwhina pea i tō take.

Ki te kore e eke he whakaaetanga mō te amuamu ka taea anō e koe te tuku kerēme ki te Disputes Tribunal, he tikanga tere, māmā, iti hoki te utu hei whakatau wenewene. Ka āhei koe ki te whakamahi i te taraipiunara hei whakatau kerēme iti atu ki te $30,000.

Ngā tinihanga

He maha ngā āhuatanga e tinihangatia ai ō moni e te tangata.

Ko ētahi o ngā tinihanga noa ko te:

 

Kia kore ai koe e tinihangatia i runga ipurangi, me:

  • Rapu i te whakaaro a tētahi atu, hei tauira, tētahi pakeke e piripono ana koe, he kaiako rānei, i mua i te tuku moni
  • Tirohia te pūtake kia mōhio ai koe he tika
  • Me noho mana tonu tō parenga huaketo rorohiko
  • Kaua rawa e huaki tāpiritanga, te pāwhiri hono rānei i rō īmēra, kuputuhi hoki mēnā kāore koe i te tino mōhio mō te kaituku.

Mēnā ka tinihangatia koe me mutu tonu tō whakapā atu ki te kaitinihanga, kaua e tuku utu anō, ā, me whakapā atu ki te pēke, te ratonga rānei i whakamahia e koe ki te tuku moni. Ka tere ake te mōhio o tō pēke, ka nui ake te tūponotanga ka whakahokia ō moni ki a koe. Mēnā i tukuna e koe ngā taipitopito pūtea ki tētahi kaitinihanga, pērā i tō ngā kāri nama, me whakakore e koe tō kāri nama ka huri i tō kupuhipa pēke tuihono.

Kei te paetukutuku Consumer protection ngā mōhiohio mō te tinihanga, tae atu ki te mōhio, te karo me te ārai tinihanga.

Next in Moni me te tāke