Kua kōrerohia i tēnei whārangi:
“I te whare wānanga, ka tīmata au ki te whai i ētahi akoranga pārekareka ki a au, i te taha o taku kaupapa matua. Nāwai ka panoni au i taku kaupapa matua i taku tau tuatoru. He taunoa ki te pātai ake te tangata ki a ia anō, mehemea rānei e tika ana mōna tāna e whai nei i te whare wānanga, me te panoni hōtaka i tōna tau tuatahi – ehara i te mea kua toka. Whāia tō ngākau, me te whiriwhiri i ngā kaupapa e manawareka ai koe.”
- Amy
Ka tōmina pea tō ngākau ki te whai i ngā taonga a ō tīpuna Māori, ā, ka hiahia pea koe ki te whai mahi i roto tonu i te ao Māori, hei tikitiki anō mō tō mahunga. Ko ētahi hōtaka hei tirotiro māu, ko ngā hōtaka reo Māori, tikanga, toi me ētahi atu. Arā ētahi hōtaka huhua, kei ngā wānanga, ngā kuratini, ngā whare wānanga me ngā wānanga ā-iwi, e aro atu ana ki ngā kaupapa maha, mai i ngā toi Māori ki te pakihi Māori. I ēnei rangi nei, e whanake haere ana te ōhanga Māori, me te aha, e wātea ana he mahi i ētahi ahumahi huhua puta i te motu.
E tipu e rea mō ngā rā o tō ao, whāia kia tata, whakamaua kia tina. Ko ngā akoranga paetoru, ko ngā momo akoranga, tūranga pia, whakangungu ahumahi katoa ka whai nā koe i muri mai o te kura. Ehara i te mea he “pai ake” tētahi i tētahi, ā, arā ētahi atu āhuatanga hei whakaaroaro mai māu, pēnei i ō mahi kaingākau, ngā mea e manawareka ai koe, tō whānau, tae atu ki te mahi me ngā wheako e pīrangitia ana ā tōna wā.
Kei tēnā, kei tēnā whiringa akoranga paetoru, ōna ake whakahau rerekē mō te uru atu. Kia mōhio koe ki ngā whiwhinga NCEA me whiwhi koe mō ngā whiringa rerekē, tirohia te paetukutuku Careers NZ.
Te kapetuhi ataata available for He Teka mō ngā Tamariki Wehe i te Kura: A uni degree is the only way to get a job
Huaki
Kati
Ko ngā mea me mōhio koe i mua i tō tono ki te whare wānanga, ki te kuratini, ā, me ētahi atu kōrero hoki.
Kia mōhio ki ngā tautoko e wātea ana, tae atu ana ki ngā pūtea taurewa, tāpiri, ngā karahipi, te hōtaka Akoranga Utukore, ā, me ētahi atu kōrero anō.
