Kua kōrerohia i tēnei whārangi:

He aha ngā momo karahipi mātauranga matua kei reira?

Mēnā kua tirotiro kēhia e koe ngā karahipi, ka tere kite koe he maha e wātea ana mō ngā mātauranga matua. Ka taea te tono i ngā wāhanga rerekē, mai i te paetahi ki te ako mō tētahi tohu pōkairua paerua (Kairangi), me ētahi atu ahumahi. Ahakoa kei te hiahia koe ki te whakauru ki te mahi hangahanga, kai, ngā ahumahi kaka, kei reira anō ngā kōwhiringa hei tautoko i a koe.

Kei reira anō ngā karahipi hei āwhina i ngā ākonga e kore pea e taea e rātau te utu ngā akoranga, whakangungu rānei, me te whakatenatena kia nui atu te kanorau i roto i ngā ahumahi me ngā akoranga mātauranga/whakangungu. Ehara mā te hunga anake e eke nei i te kura, e hāngai ana ētahi paearu ki te rohe i pakeke mai koe, ki te kaupapa rānei e whai ana koe.

Ko te tikanga he karahipi pea kei reira māu e tino hāngai ana ki ō hiahia. Kāore koe e mōhio kia tirohia rā anōtia e koe!

Ngā hono whaitake:

Kei hea ngā mōhiohio mō ngā karahipi mātauranga matua rerekē?

E ai ki te momo karahipi e rapua ana e koe, he maha ngā rauemi rerekē e wātea ana hei āwhina i a koe ki te kimi i te mea tika māu. Mēnā kei te hiahia koe ki te titiro ki ngā karahipi e tukuna ana e ngā kaiwhakarato mātauranga matua rerekē, kei te whai rānei koe i ngā kōwhiringa tauwhāiti a ngā uri Māori, Te Moananui-a-Kiwa rānei, he paetukutuku kei reira hei tirotiro māu.

Ko te wāhi pai hei tīmata ko te tirotiro i te whārangi karahipi kei te paetukutuku a tō kaiwhakarato mātauranga matua (mēnā kei reira tētahi). E rua atu anō ngā rauemi whaitake hei whakamahi ki te rapu i ngā karahipi rerekē ko ēnei:

Ētahi atu rauemi ka tūtohua e mātau:

Ngā karahipi nō Ngā Whare Wānanga o Aotearoa

Ngā karahipi Māori

Ngā karahipi mō Te Moananui-a-Kiwa

He tirohanga whānui o ngā karahipi rerekē

Ngā paetukutuku hira

  • Careers.govt.nz: He mōhiohio ō Careers.govt.nz mō ngā mea katoa mai i te tono i ngā karahipi ki te tuhi tāhuhu tangata, e āwhina ana i a koe ki te whiriwhiri he aha te ara mahi tika mōu.
  • NZQA: E tiaki ana a NZQA (Te Mana Tohu Mātauranga o Aotearoa) i ngā tohu me te whakahaere i ngā aromatawai o ngā ākonga i ngā kura.
  • Hoto Akoranga: He tuku mōhiohio a Hoto Akoranga mō ngā āhuatanga katoa o tō akoranga matua, mai i te wāhi me ako koe me ō utu, ā, me pēhea te tono.
  • Te Amorangi Mātauranga Matua: Ko Te Amorangi Mātauranga Matua te hono i waenga i te Kāwanatanga me te mātauranga matua. Ahakoa kāore i te hāngai pū ki ngā ākonga, he paetukutuku pai mō te hunga kei te rapu i ngā kōrero hou rawa me ngā rauemi hei āwhina mō te mātauranga matua.