Me whakarite kē i mua he aha ō kōrero me ō mahi i te uiui
Ka pā noa mai pea te taiatea i a koe i te uiui me te wareware ki ētahi o ō kōrero, nō reira koinei e hira ai te whakapakari i a koe i mua. Mēnā kei te mōhio koe ki ngā mea nui e hiahia ana koe ki te kōrero atu ki te kairapu kaimahi, kaiuiui rānei, ka whakamāmā i te taiatea i taua rā.
Ko ētahi mea hira hei whakapakari māu ko ēnei:
- Te kōrero haere mō tō tāhuhu tangata kia mātua tau ai ki a koe te whakamārama i ō pūkenga, wheako hoki.
- Te mārama ki te whakaahuatanga mahi kia taea e koe ngā pātai te whakautu otirā mō tō hāngai ki te tūnga.
- Ngā whakautu ki ngā pātai uiui noa.
- Ko ngā utauta hangarau ka hiahia pea koe, otirā mēnā he uiui ataata.
He pai te whakarite i ētahi pātai e hiahia ana koe ki te tuku i roto i tō uiui tētahi tikanga kia rata mai ai te kaituku mahi, kairapu kaimahi rānei. Tirohia te tuhipānui Careers.govt.nz tuatahi i raro mō ētahi kupu āwhina pai.
Mēnā he āhuatanga Māori tō tūranga e tono ana koe he pai tonu te whakarite i tētahi mihi poto. Ka āhei pea koe ki te heri i tō whānau ki te uiui ki te tautoko i a koe. Ka tukuna pea e ētahi whakahaere tēnei āhuatanga ahakoa he Māori koe, kāore rānei.
Ko te mea whakamutunga, me whakaaroaro koe ka pēhea tō mihi atu ki te kaituku mahi i roto i te uiui. He mea nui te kōrero ā-tinana, me te māia o te tīmata, hei tauira, ko te pakari o te rūrū i te ringa tētahi tikanga pai kia tau ai tō mauri, ā, kia whakaute tō āhua.
Ngā hono whaitake:
