Kua kōrerohia i tēnei whārangi:

Me aha ahau i mua i taku wehenga i te kāinga?

Ahakoa kei te neke koe ki tētahi nōhanga ākonga i te whare wānanga, tōu ake wāhi rānei, me mātua whakarite kua whakaaroarohia e koe ō kōwhiringa, ā, kei te reri koe i mua i te haerenga.

Ko tētahi o ngā mea hei whakaaroaro māu ko te mea pai rawa ā-pūtea mōu. Hei tauira, mēnā kei te whare wānanga koe, kuratini rānei, ka pōhēhē pea koe he nui ake te utu o ngā nōhanga ākonga i te wiki. Engari, kei roto ngā mea pērā i te whakamahana me te ipurangi i te utu.

Kei roto anō te wāhi i ngā whiriwhiringa, i te mea ka tata atu tō noho ki tō mahi, akoranga rānei ka whakaiti i ō whakapaunga ki te waka/pahi. Ko te whai whakaaro ana ki te tirohanga whānui tētahi āhuatanga pai mō te whakaiti i ō utu.

Tērā anō ētahi āhuatanga me whakarite e koe i mua i tō nekehanga. Pēnei i ēnei:

  • Te kōrerorero me ō mātua kaitiaki/kaitauwhiro rānei mō te neke.
  • Te penapena me te tiaki i ō moni mō ngā whakapaunga.
  • Te whakarite kua oti katoa i a koe ngā mea mō tō nōhanga hou (te tirotiro mēnā me tiki moenga koe, pouaka whakamātao, aha atu, aha atu).
  • Te tiki tangata hei āwhina i a koe ki te tirotiro i ngā tuhinga me waitohu e koe.

Mā te whakariterite i ēnei i mua noa atu o te wā ka āhua māmā ake, ā, ka āwhina i a koe ki te karo i ngā māharahara.

Mēnā kei te rapu mōhiohio atu anō koe me pēhea te tono wāhi noho i tētahi whare wānanga, kuratini rānei, tirohia tā mātau hono i raro.

Ngā hono whaitake:

He aha ngā mea ka hiahia ahau?

Ko te whiriwhiri he aha ngā mea me heri atu e koe kei te wāhi e haere ana koe, me te aha he aha ngā mea hira ki a koe. He akoranga ēnei me pēhea te noho motuhake, ina ko koe tōu rangatira ināianei me te tuku whakatau mōu anō.

Ko ngā tauira o ngā mea hei heri māu ko ēnei:

  • Tō raihana taraiwa waka
  • Ō kāri moni me ō kāri nama
  • Tō uruwhenua
  • Tiwhikete rā whānau
  • Ngā rongoā waiwai

Waihoki, ko te rahinga o ngā mea ka heria e koe ko ngā mea ka hiahia koe ki roto i tō kāinga me āu ake taonga, ahakoa pea he Xbox, he kitā hou rānei. He nui ake ngā taonga whare i ētahi wāhi tēnā i ētahi atu, ko te tikanga ka ratoa e ngā nōhanga ākonga he moenga, wātaropa, tēpu mahi me ērā momo mea. He tauira noa ngā mea i runga ake o ngā mea me whai koe ahakoa ō whakaritenga.

Ngā hono whaitake:

He mōtika, kawenga anō ōku ina kuhu au ki tōku kāinga hou?

Āe mārika! I mua i tō nekenga, me mātua whakarite kei te tino mārama koe ki ngā tūmanako kei runga i a koe me ō āheinga i roto i tō kāinga hou.

Ko tētahi tauira o ō kawenga ko te whakarite ka utua e koe tō reti i te wā tika, ā, ko tētahi o ō mōtika ko te tūmanako kia pai te āhua o te whare.

Mō ētahi atu mōhiohio mō ō mōtika me ō kawenga i a koe e noho ana i rō whare noho, tirohia tā mātau tuhipānui mō te kaupapa nei mā te pāwhiri i te hono i raro.

Ngā hono whaitake:

Ki hea ahau rapu āwhina ai?

Ahakoa i tika katoa ō mahi, ā, kei te pai ki a koe te noho motuhake, kei reira anō ngā mea ka hē i ōnā wā. Ki te pēnei, kei reira ētahi paetukutuku hei tirotiro māu me ngā tāngata hei waea atu mō ngā tohutohu.

Pēnei i ēnei:

  • Te Hiranga Tangata – ka āwhina ā-pūtea i a koe mēnā kei te rapu mahi koe, he tino iti te utu o tō mahi, kei te hiahia āwhina rānei koe me ngā kaupapa mai i te whare noho ki ngā whakapaunga noho noa
  • Youth Service – he tuku āwhina i ngā tūmomo āhuatanga, me ngā pūtea āwhina
  • Youth Law – he tuku mōhiohio me ngā āwhina e pā ana ki ō mōtika
  • Tenancy Tribunal – ka āwhina me ngā take e pā ana ki ngā whakaaetanga retihanga. He ratonga utu tēnei, engari ka āwhina ki te whakarite i ngā taupatupatu me ngā kairetiwhare tē taea te whakatau

Kia maumahara: He wā kohuki pea te wehe i te kāinga me te tono motuhake. Ki te āpurua koe, mokemoke rānei, me kōrero ki tētahi atu. Ki te kore e pai tō āhua i tērā, tirohia tā mātau pōhi mō te hauora hinengaro mō ētahi atu mōhiohio me pēhea te whakarite i te ahotea.

Ngā hono whaitake:

Ngā paetukutuku hira

  • Te Kāhui Tika Tangata: Ka whakapau kaha Te Kāhui Tika Tangata ki te tiaki i ngā mōtika o ngā momo tāngata katoa i Aotearoa. He tirotiro ki ngā mōtika i te mahi, i ō āhuatanga hoki o ia rā.
  • Youth Law: He paetukutuku e tuku ana i ngā āwhina ture koreutu puta noa i Aotearoa, me tētahi whārangi whaitake o ō mōtika.

Next in Te wehe i te kāinga