Kua kōrerohia i tēnei whārangi:

He aha ētahi o ōku mōtika?

Hei kainoho, hei tangata reti rānei mai i tētahi kairetiwhare, he maha ō mōtika hei āwhina ki te tiaki i a koe kia kaua koe e whakahāwinitia, e mahi kinotia rānei. Ka kapi i ēnei ko ngā mea rerekē, mai i te āhua o ngā rawa ki te rere tika o ngā whakawhitiwhiti hei tūmanako māu mai i tō kairetiwhare.

Ko ētahi o ō mōtika ko ēnei:

  • kia tiakina te whare
  • kei te ū te whare ki ngā paerewa hauora me te haumaru tauwhāiti
  • kāore e āhei tō kaitukuwhare ki te puta ohorere mō te kore noa iho.

He rerekē ēnei mēnā kei te noho koe i tētahi nōhanga ākonga, e reti ana koe i tētahi rūma kaua ko te whare katoa. Me kī ko te nuinga o ngā whakaritenga whare noho he nōhanga kē, ka mutu he āhua ōrite ngā whakaritenga, engari he mea nui kei te mōhio koe he aha ō mōtika rerekē.

Mō ētahi atu mōhiohio mō ngā whare noho, pāwhiri ki te hono Tenancy Services i raro.

Ngā hono whaitake:

Pēhea ōku kawenga?

Ka neke koe ki tētahi wāhi hou kua utaina ki runga i a koe ngā kawenga kāore nei koe i whakaaroaro i mua. Ko te tikanga ka whakamāramahia ēnei i roto i tō whakaaetanga retihanga, engari he pai tonu kia mārama koe ki ngā momo mea e tūmanakohia ana i a koe i mua i tō tae ki reira.

Ko ētahi tauira ko te:

  • utu i tō reti i te wā tika
  • whakarite kia mā te whare
  • te kore tūkino i te whare.

Arā, he rerekē ngā ture o ngā whare nōhanga, nō reira me tirotiro e koe te hono i runga ake mēnā kei te hiahia koe i ngā mōhiohio mō ō kawenga i reira.

Ngā hono whaitake:

Ka aha mēnā ka pā mai he raruraru?

Mēnā kei te raruraru koe me tō kairetiwhare, ā, tē taea e kōrua anō te whakatau, ka taea anō e te Tenancy Tribunal te āwhina. E wātea ana te Tenancy Tribunal ki te kuhu mai i raro i te ture mēnā ka taea e koe te whakaatu kei te mahia kinotia koe. Engari he utu mō tēnei, ā, me whakamātau koe ki te whakatau i ngā raruraru mā ētahi atu tikanga i te tuatahi. He tino hira te whanaungatanga pai i waenga i a kōrua ko tō kairetiwhare!

Mēnā kāore koe i te tino mōhio mēnā kei te takahia e tō kairetiwhare ō mōtika, ā, kei te hiahia tohutohu koe, ko te Youth Law te wāhi pai rawa mōu. He tuku i ngā āwhina ture koreutu, ā, ka taea te waea atu ki te tau kei tā rātau paetukutuku.

Tirohia ia whakahaere mā te pāwhiri i ngā hono e whai ake:

Ngā hono whaitake:

Ngā paetukutuku hira

  • Community Law: Te kāinga whaimana o ngā Community Law Centres puta noa i Aotearoa, e whakarato ana i ngā āwhina ture koreutu ki ngā tāngata puta noa i te motu.
  • Youth Law: He paetukutuku e tuku ana i ngā āwhina ture koreutu puta noa i Aotearoa, me tētahi whārangi whaitake o ō mōtika.

Next in Te wehe i te kāinga