Kua kōrerohia i tēnei whārangi:

He aha ētahi o ngā pānga o te waipiro?

He rerekē te maha o ngā pānga o te waipiro ki ngā tāngata. I tua i aua āhuatanga o te wairua whakarata ka pā mai ki te tangata, ka pā mai anō ētahi atu raruraru wā poto, wā roa hoki.

Ko ētahi o ngā raruraru wā poto ko te:

  • Koretake o ngā whakatau
  • Whakatuki me te whakarekereke
  • Atarua
  • Māuiui me te ruaki

Ka whai pānga anō pea ki tō hauora wā roa mā ētahi o ēnei āhuatanga:

  • Tūkino roro
  • Ka piki te pēhanga toto
  • Mate pukupuku ki te ate
  • Mate pukupuku ki te ū

Hei pēhi pōuritanga, he pānga kino tō te waipiro ki tō hauora hinengaro. Kaua rawa e whakamahi ki te 'ārai' i ngā kare-a-roto, ā, kei reira anō ngā tikanga hauora ake hei whakarite i ngā uauatanga e pā ana ki a koe. Tirohia te tuhipānui i raro mō ētahi atu mōhiohio mō tēnei.

Ahakoa pea kāore e pā mai tētahi o ēnei pānga i a koe e inu waipiro ana, me whakahaere e koe te āhua o tāu whakapeto me te ngana ki te whakaiti i te mōreatanga o ngā pānga wā roa. Ko te ataata whakatairanga ‘Say Yeah, Nah’ a te ‘Department of Lost Nights’ a te Health Promotion Agency tētahi tirohanga whakaohooho ki te take o te wareware i a koe e inu ana i tētahi pō.

Ngā hono whaitake:

Me pēhea te whakarite kia tika ai taku inu waipiro?

He raruraru nui pea te porohaurangi haere me te kore e whakahaere tika i tō inu. He nui ngā āhuatanga ka taea te whakaawe te āhua o te urupare a tō tinana ki te waipiro, anei ētahi:

  • te kukūtanga o te waipiro i roto i te inu (ko ngā inu he nui te kukūtanga pērā i ngā waipiro nui te waiwaihā ka tere ake te ngongoa)
  • ko te āhua o te tere o te whakapeto i te waipiro
  • te momo tinana (he nui ake te mōmona me ngā uaua o te hunga taumaha ake hei ngongo i te waipiro)
  • taipakeke, ira tangata, mātāwaka (hei tauira, he nui ake te kukū waipiro toto o (BAC) o te wahine i muri i te inu i te rahinga ōrite o te waipiro i te tāne nā te rerekē o te whakarau pūngao me te ngongotanga

Ki te hiahia koe ki te inu waipiro, ko te mōrea iti o te inu tētahi tikanga pai kia tika ai te inu. E tūtohua ana kia tekau mōrahi ngā inu i te wiki mā te wahine me te tekau mā rima mā te tāne, ā, he 330ml te pātara o te 5% pia e ōrite ana ki te 1.3. He pai anō te whakatau tepenga mōu, ā, kia kaua e 'porohaurangi' hei whakarite ka noho koe ki te mōrea iti rawa.

Ahakoa, ehara i te mea ki te iti noa tō inu waipiro kāore he pānga kino mai, ka tino pai ake tō tūponotanga. Kia maumahara, ko te rahinga waipiro mō te hunga kei raro i te 20 tau he kore.

Ko te kore inu te mea pai rawa hei karo i ngā momo raruraru ka tūpono mai, ka mutu he kōwhiringa hauora ake, ahakoa ko te inu kia iti te mōrea te mea pai rawa hei whai.

Ka nui ake ngā kōrero o ngā hono Alcohol.org.nz e pā ana ki tērā mea te inu iti te mōrea, engari ko ētahi mea whaitake ruarua kia rua i te iti rawa ngā rā waipiro-kore i te wiki, ā, mō ngā wāhine hapū, e whakapae ana kei te hapū hoki, kaua rawa e inu waipiro.

Ngā hono whaitake:

Pēhea ētahi atu whakapōauau?

Pērā anō i te waipiro, he rerekē ngā wheako ka pā mai ki ētahi atu whakapōauau, e whakaaetia ana, takahi ture rānei. Ehara i te mea he kino te wheako o ngā tāngata katoa ka whakapeto whakapōauau, me tūpato koe ki ngā pānga mai ka taea o te whakapeto whakapōauau.

Pēnei i ēnei:

  • He uaua te hēhē
  • Wiriwiri, kōwhitiwhiti me te hūkiki
  • Ahotea me te tūmekemeke
  • Kua kore i te ao mārama
  • Ngā pānga pāpori, pērā i te mauhere

I mua i te whakapeto i tētahi momo whakapōauau, me mātua whai whakaaro koe ki te pānga o tō hauora tinana me te hinengaro, ā, he aha ngā momo pānga ki te hunga i tō taha. He mea nui kia tūpato ki ngā pānga ka taea o te whakapeto whakapōauau, me te inu, i a koe e kai rongoā ana.

Mēnā kei tētahi taiopenga koe, he kōwhiringa pea kei reira kia aromatawaitia ngā whakapōauau kia kitea hei aha kei roto. Ā, ehara i te mea ka haumaru i tērā te whakapeto whakapōauau, ko te mea kē kei te mōhio koe he aha kei roto kia pai ai tō whiriwhiri i runga i te mōhio.

Nō reira, mēnā kei te mōhio koe ki tētahi tangata kei te raruraru ia me te whakapōauau, ko tō tino māharahara ko tōna ake haumaru me te haumaru o ētahi atu. Me āta kōrero ki a ia, me whakatenatena, me tautoko i a ia kia anga whakamua. Ki te kai inati, mate ahotea rānei ia, waea atu ki 111. Kāore koe e uru ki te raruraru, ā, ka ora pea ia i a koe.

Mēnā kei te rapu koe i ngā mōhiohio āmiki, mārama ake mō ngā momo whakapōauau rerekē, tae atu ki te waipiro, tarutaru me te pī, tirohia te hono a te NZ Drug Foundation i raro.

Ngā hono whaitake:

Ki hea ahau haere ai ki te rapu āwhina?

Mēnā he pānga kino tō te waipiro me ngā whakapōauau ki a koe, ki tētahi rānei e pātata ana ki a koe, he wāhi kei reira ka taea e koe te totoro atu me te tiki āwhina.

Ko ētahi wāhi ka taea e koe te whakapā atu ko ēnei:

  • Alcohol Drug Helpline – he ratonga e wātea ana ki te hunga he pātai ā rātau e pā ana ki te waipiro me ētahi atu whakapōauau, mō rātau anō, mō ētahi atu rānei
  • Alcoholics Anonymous – he rōpū e tuku whai wāhitanga ki ngā tāngata ki te tuari i ō rātau wheako me ētahi atu e ōrite ana ngā raruraru
  • YouthLine – he tuku ratonga arowhānui ake mā te hunga taiohi

Mō tētahi rārangi o ngā whakapā whaitake, tirohia te hono Youth Law i raro.

Ngā hono whaitake:

Ngā paetukutuku hira

  • Te Manatū Hauora: Ko Te Manatū Hauora te tari Kāwanatanga e whakahaere ana i ngā take hauora me te hauātanga. I tua atu i te whai i ngā momo tuhipānui, he mōhiohio anō ā rātau kei tā rātau paetukutuku mō Healthline, ā, he tau tēnei e taea e koe te waea atu mēnā kei te rapu tohutohu koe.
  • NZ Drug Foundation: He kaupapa aroha rēhita ko te NZ Drug Foundation e whakaputa ana i ngā rauemi me te taunaki mō ngā kaupapahere e aro ana ki te whakaiti i te tūkino o ngā whakapōauau ki tō tātau iwi. He tino whai take te wāhanga ‘Do you know’ mō te hunga taiohi.