Te nonotitanga me te whakaweti

Nonotitanga

E ai ki te Ture Tika Tangata 1993 ko te nonotitanga ā-iwi koinā te mahi kino pokanoa e whakaiti, takahi, whakamataku rānei i te tangata nā tōna momo iwi, tae, mātāwaka, whenua taketake rānei.

Kāore te taitōkai i te hiahiatia, me ngā whiuwhiu kōrero ā-tōkai, raweke rānei me ngā tūmomo takahitanga ki te koeretanga, mahi kino rānei.

Kaua rawa koe e tuku i ngā mahi nonotitanga ahakoa te aha ki a koe. He takahi ture te taitōkai me te nonotitanga ā-iwi, ā, ko ngā mahi e pā atu ki te nonotitanga ka kīia pea he āhuatanga reho, ā, me tūhura e te kura, te kaituku mahi rānei. Mēnā kāore koe i te tau nā te āhua o tō kaiako, rangatira, kaiwhakahaere rānei, he huarahi kei reira hei whai māu ki te whakarite i tēnei me te ārai kia kaua e tino hē kē atu.

Ko te mea tuatahi, mēnā ka kaha koe, he tono ki te tangata kei te takahi i a koe kia mutu tana mahi pērā. Ki te haere tonu, kāore rānei koe i te kaha ki te pātai atu ki te nanakia, me kōrero ki tō kaiako, tumuaki, kaituku mahi rānei mō te āhuatanga, pātai rānei ki tētahi atu e pono ana koe kia kōrero ki a ia.

Ki te kōrero koe ki tō kura, kaituku mahi rānei mō te nonotitanga me mātua aro mai rātau me te tuku i tētahi tukanga hei whakapai ake i te āhuatanga. Ki te kore, ka taea e koe kōkiri i tētahi whakamau whaiaro ki Te Kāhui Tika Tangata. Tirohia i raro mō ētahi atu mōhiohio mō ia tukanga.

Mēnā ko tō kaituku mahi kei te taitōkai, nonoti ā-iwi, nonoti noa rānei i a koe, kāore rānei e tatū te raruraru i waenga i a kōrua, e rua ngā huarahi ki a koe mō te pūrongo i te nonotitanga. Kōwhiria kia kotahi anake, i te mea kāore e āhei ki ngā mea e rua. Ko ngā kōwhiringa ko te:

• Whakamau whaiaro
  • 90 ngā rā ki a koe ki te kōkiri i tētahi whakamau whaiaro
  • Tirohia te Employment New Zealand mō ētahi atu mōhiohio mō tēnei tukanga.
• Te tuku amuamu i raro i te Ture Tika Tangata 1993
  • 12 marama te wā ki a koe i muri i te pānga mai ki te tuku amuamu ki Te Kāhui Tika Tangata
  • Hei kōkiri i tēnei, tirohia te paetukutuku a Te Kāhui Tika Tangata.

E tuku ana anō Te Kāhui Tika Tangata i tētahi ratonga koreutu, matatapu mā te hunga e tuku amuamu ana mō te whakahāwea, nonotitanga ā-iwi, taitōkai rānei. Mēnā he pātai āu, waea atu ki 0800 496 7877.

Ngā rauemi mō te nonotitanga ā-iwi:

• Community Law – ‘Sexual and racial harassment’
• Employment New Zealand - ‘Sexual and racial harassment’
• Te Kāhui Tika Tangata - ‘Racially offensive comments’

Ngā rauemi mō te taitōkai:

• Ngā Pou Whakawhirinaki o Aotearoa - ‘I am being sexually harassed at work. What can I do?’
• Community Law - ‘Getting protection under the harassment act’
• Employment New Zealand - ‘Sexual and racial harassment’
• Te Kāhui Tika Tangata - ‘Sexual Harassment: What you need to know’

Te whakaweti

Ko te whakaweti he mahi tonu nā te tangata ki te tūkino ā-ngākau, ā-tinana rānei, te whakamataku rānei i te tangata.

Kei roto i tēnei ko te whiuwhiu ingoa, te tūkino tinana, tuku karere kanga tuihono, me ētahi atu whanonga whakakino. Ehara te whakaweti i te āhuatanga noa o te whakatipu haere, ā, he takahi kē tēnei i te hunga iti ake te mana.

Ngā hono whaitake:

• Bullying-Free NZ – 'Information for Students'
• Bullying-Free NZ - 'Different types of bullying'
• The Lowdown - 'Bullying'

Te whakaweti tuihono

Ehara te whakaweti tuihono i te tikanga māmā te kite. I te nuinga o te wā kāore e tino kitea i te mea kei runga i tētahi pūrere, ā, kāore e tino kitea e ētahi atu. Ka taea e te whakaweti tuihono te tuku kōrero whakakino ka tere tuarihia ki ngā pūrere maha. Ka pā mai i mea wā i te ahiahi, i te pō rānei. Kei raro ko ētahi hono hei āwhina i a koe mēnā ki ōu whakaaro kei te whakaweti tuihonotia koe.

Ngā hono whaitake:

• Bullying-free NZ – 'Cyberbullying'
• The Lowdown – 'Block the cyber bully'
• NetSafe - 'Help with online bullying for young people'
• NetSafe - 'What is online bullying?'

Te whakaweti i te mahi

Ka pā mai anō te whakaweti i te mahi, e pā kino ai ki te kaimahi me te whakahaere.

E ai ki a WorkSafe mō te whakaweti i te mahi:"Ko te ōrite me te kino o te whanonga ki tētahi kaimahi, rōpū kaimahi rānei e whakamamae ā-hinengaro, ā-tinana rānei rātau".

E whakamaruhia ana ngā kaimahi katoa e te ture mai te panatanga ki te whakaarahia e rātau ngā raruraru hauora me te haumaru, ā, kei roto te whakaweti i tēnei. Tirohia ngā hono i raro mō ētahi atu mōhiohio me ngā mea ka taea e koe mēnā ki ōu whakaaro kei te whakawetihia koe i te mahi.

Ngā hono whaitake:

• Employment New Zealand - 'Bullying'
• Ngā Pou Whakawhirinaki o Aotearoa – ‘I’m being targeted by a bully at work – what can I do?’
• WorkSafe – 'Bullying at work: Advise for workers'
• WorkSafe – ‘Introduction to Health and Safety at Work Act 2015’

Me aha ahau mēnā kei te whakawetihia ahau?

Tuatahi, kia maumahara koe mēnā kei te whakawetihia koe ehara nōu te hē.

Mēnā ki ōu whakaaro kei te whakawetihia koe tērā ētahi mahi ka taea e koe te mahi. Te kōrero ki tētahi tangata e pono ai koe, te whakapā atu rānei ki tētahi waea āwhina matatapu (arā, Lifeline – 0800 543 354 (0800 LIFELINE), patowaea koreutu rānei ki 4357 (HELP) mō ngā āwhina.

Mēnā ki ōu whakaaro ka taea, ka taea e koe te tono kia whakamutua e taua tangata ana mahi kino. Ki te whakatepea ā tātau uruparenga wawe tonu ki ngā mahi whakaweti ka whakaiti i tērā mana i runga ake i a tātau mā te kore e whakaputa i te urupare e hiahiatia ana e te nanakia.

Ina taea ana ko te mea pai rawa ko te waiho ka hīkoi atu. He mea hira kia mātua whai wā koe ki te taha o te hunga e manaaki ana, whakaute me te tiaki i a koe. Mēnā kei runga ipurangi te whakaweti, me tango whakaaturanga ka pupuri mō te tuku pūrongo mō te whakaweti.

He tino pānga kino ō te whakaweti ki te āhua o ō tātau whakaaro mō tātau anō. Nāwai, nāwai, ki te kore e whakaritea, ka tino raruraru tō tātau māia, hinengaro hauora hoki i ngā whakaaro kino, kare ā-roto hoki, ka pupū ake i te whakaweti. I ētahi wā he tino uaua te hoki ki te āhua i a koe i te tuatahi. Kei reira anō ngā āhuatanga e taea ana e tātau anō kia pai ake ō tātau āhua me te noho pai. Tirohia ngā hono i raro mō ngā tikanga hei āwhina i a koe kia pai ake koe me te whakatipu i tō māia.

Ngā hono whaitake:

• The Lowdown – 'Battle bad thoughts'
• The Lowdown – 'Tell someone how you feel'
• The Lowdown – ‘There are lots of ways to help yourself’
• The Mental Health Foundation - 'Five ways to wellbeing'
• NetSafe – ‘Rebuilding Confidence’

Me pēhea taku āwhina i tētahi tangata mēnā ki ōku whakaaro kei te whakawetihia ia?

Mēnā ki ōu whakaaro kei te whakawetihia ia, ka taea e koe ia te āwhina mā ētahi tikanga anō.

Me tīmata mā te pātai ki a ia mēnā kei te pai ia, mēnā rānei ka taea e koe ia te āwhina. Me whai whakaaro koe ki te heri mai i tētahi hoa anō hei tautoko i a koe ki te whakaara i te take, te tiki tohutohu rānei mai i tētahi pakeke whakawhirinaki me aha ā muri ake.

Ngā hono whaitake:

• Bullying-free NZ – 'What can I do'
• NetSafe - 'Helping a friend being bullied'

Ngā paetukutuku hira

• Bullying-Free NZ: He kaupapa nā te Rōpū Tohutohu Ārai Whakaweti ko tāna umanga nui ko te mahi tahi ki te ārai i te whakaweti i Aotearoa, e whakarato ana a Bully-Free NZ i ngā tūmomo rauemi rerekē mā ngā ākonga, kura, mātua me ngā whānau hei tautoko i te hunga e whakawetihia ana.
• InsideOUT: Whakapau kaha ai a InsideOUT kia haumaru ake a Aotearoa mō ngā taiohi nō ngā ira tangata ririki, hōkakatanga hoki.
• The Lowdown: He paetukutuku a Lowdown e āwhina ana i ngā taiohi o Aotearoa kia āhukahuka, kia mārama ki te pāpōuri, te ahotea rānei. Ahakoa pea te āhua i roto i a koe, he nui ngā whakaaro o te Lowdown, ā, ka taea e ngā tāngata koutou te āwhina kia mahea, kia pai ake.
• Lifeline: He waea āwhina a Lifeline nā Aotearoa mō ngā tautoko matatapu mai i ngā tumu kōrero matatau me ngā kaitūao mātau. Ka taea e koe te kōrero matatapu ki tētahi tangata i 0800 543 354 (0800 LIFELINE), patowaea koreutu rānei ki 4357 (HELP).
• Mental Health Foundation: He kaupapa aroha a Mental Health Foundation nō Aotearoa e tautoko ana i ngā tāngata kia pai tō rātau hinengaro. He mea hira Ngā Tikanga e Rima mō te Oranga kei tā rātau pae kia mau ai te hauora me te oranga.
• Employment New Zealand: Resolving Problems: E whakaaturia ana i te whārangi Resolving Problems a Employment New Zealand ko ngā mea me tuku e ngā kaituku mahi, ngā momo raruraru ka pā pea ki a koe i te mahi me ngā tohutohu mō te whakatau me te ārai i ēnei raruraru. Ko ngā raruraru pea ko ngā mahi whakaweti, nonotitanga me te whakahāwea.
• Te Kāhui Tika Tangata: E arotake ana Te Kāhui Tika Tangata i ngā tika tangata e āhei ana ki te katoa, ā, me pēhea te tuku amuamu mēnā ki ōu whakaaro kua takahia ō tika e te tangata. E tukuna anō e rātau tētahi ratonga koreutu, matatapu mā te hunga e tuku amuamu ana mō te whakahāwea, nonotitanga ā-iwi, taitōkai rānei. Mēnā he pātai āu, waea atu ki 0800 496 7877.