Kua kōrerohia i tēnei whārangi:

He aha ngā momo whanaungatanga?

Ngā hoa me te whānau; i a koe e pakeke haere ana i tōu ao, he maha ngā momo whanaungatanga ka taea e koe me ngā tāngata. Kei roto i ēnei ko ngā momo whanaungatanga whaiāipo, ai hoki/rānei.

Ahakoa he aha ngā mea kei roto koe, ko te mea nui he tōtika. E taea ai tēnei me whakapau kaha me te whakaute mai i a koe me ētahi atu tāngata kei roto, engari he hua kei roto ina tautoko ana i tētahi whanaungatanga whaihua ake, rata ake hoki.

Mēnā kei te rapu mōhiohio atu anō koe mō ngā whanaungatanga ira tangata tauwhiti, takatāpui hoki, he rawe te paetukutuku You, Me, US i raro hei rauemi.

Ngā hono whaitake:

Me pēhea taku whakarite he tōtika tōku whanaungatanga?

He tōtika te whanaungatanga mō te hunga whai pānga katoa mēnā he haumaru, rata, whakaute hoki. Mēnā kei te raruraru tētahi, ā, kāore ia i te whakarongohia, he tohu tērā ehara i te tōtika.

Ko ētahi mea e tautoko ana i tētahi whanaungatanga tōtika ko te:

  • kawenga tūhonohono
  • ngā whakawhitiwhiti kōrero whaitake me te whakaute
  • ōrite - he ōrite te mana.

Mēnā ko te whanaungatanga me tētahi hoa makau, he mea hira kei te whakaae tahi, otirā mō te taha ki ngā mahi ai. Kaua rawa koe e pēhi i te tangata, e pēhia rānei koe, kia mahi i tētahi mahi kāore koe i te hiahia.

I Aotearoa ko te taipakeke i raro i te ture e āheitia ai te ai ko te 16. Me mātua 16 ō kōrua tau ko tō hoa i te iti rawa, ā, me āta whakaae i mua i te mahi ai.

Ngā hono whaitake:

Me whakapā atu ahau ki a wai mēnā kei te māharahara ahau mō te tūkinotanga?

Mēnā kāore i te tōtika tō whanaungatanga, ā, kei te māharahara koe mō te tūkinotanga, tērā ētahi wāhi ka taea e koe te whakapā atu mō ngā āwhina, tohutohu rānei. Pēnei i ēnei:

  • Women's Refuge - He whakahaere e tuku āwhina ana ki ngā wāhine me ā rātau tamariki. Waea atu ki 0800 REFUGE (733 843).
  • Shakti Youth - E arotahi ana ki te tautoko i ngā wāhine me ngā tamariki nō ngā hapori o Āhia, Awherika me Rāwhiti Waenga i Aotearoa. Waea atu ki 0800 SHAKTI (742 584).
  • Shine - E whai ana a Shine ki te ārai i ngā momo tūkino ā-whare katoa puta noa i te motu. Waea atu ki 0508 744 633.

Mēnā ki ōu whakaaro kei te tūpono pā koe ki te tūkinotanga, me waea atu ki ngā pirihimana i 111 i ngā wā katoa.

Te whakawhaiāipo ā-tuihono

I ēnei rā tokomaha ngā tāngata e tūtaki ā-tuihono ana hei whai hoa, hei whakawhaiāipo, hei onioni rānei

He haumaru rānei te whakawhaiāipo ā-tuihono?

Hei whakaarotanga mō te whakawhaiāipo ā-tuihono.

  • Mēnā kei te tūtaki koe i tētahi tauhou, me whāki atu ki tētahi hoa piripono ōu, ki tētahi o te whānau rānei, ko wai taua tangata, ā, hei āwhea, ki whea hoki kōrua tūtaki ai.
  • Hei te tūtakitanga tuatahi, me hui ki tētahi wāhi tūmatanui.
  • Kia haumarutia tō tuakiritanga.
  • Kia mataara ki ngā tāngata tītipa, ki ngā hīanga anō hoki.

Mō ētahi kōrero e pā ana ki te noho haumaru i ngā whakawhaiāipo ā-tuihono tirohia: Netsafe – Safe relationships.

Te tuku whakaahua kirikau

Kāore i te tika kia tonoa koe e te tangata, ki te tono rānei koe i te tangata ki te tuku whakaahua kirikau o te tangata.

Mehemea ka tuari koe i tētahi whakaahua, he uaua te whakahaere i te tuaritanga o taua whakaahua ki tangata kē, ka pēhea hoki taua whakaahua e tuari ai. 

Mō ētahi atu kōrero tirohia:

Te Karihika

He aha te karihika?

I te nuinga o te wā, ko te karihika he mea onioni e kitea ai i ngā ataata, i ngā whakaahua, i ngā pukapuka, i ngā mōheni anō hoki, mō te whakahihiko i te taera te take.

He pai rānei ki te mātakitaki?

Ka mātakitaki ētahi tangata i te karihika hei whakahihiko taera, hei whai mōhiotanga hoki mō te onioni. Heoi anō, he pānga kino pea ō te karihika ki te tangata.

He wā ōna ka whāiti te rapu a te tangata i te karihika. He wā hoki ōna ka whakaatuhia ētehi tāngata te karihika e ō rātou hoa, ka tūponotia rānei i te wā e rapu ana te tangata i mea kē. Mā te tūpono i te karihika e whakarerekē ai pea ngā kare ā-roto o te tangata, pērā i te manawarau, i te whakamauāhara, te hīkaka, te manawarū tae atu ki te mōrikarika hoki.

He pai noa iho rānei te karihika?

He pai noa iho te whakaaro pākiki ki te onioni. Heoi anō, me uaua ka kitea ngā whanonga haumaru i te karihika, ka mutu, te āhua nei he wā ōna kāore i whakaaetia te onioni.

Kua pokaina ngā tinana o ētehi o ngā kaiwhakaari karihika, me te aha, ka whakaatuhia pea ngā whanonga pērā i te takahi, te takariri, te taikaha, me te tūkino.

I ētahi wā he whakaari noa iho te karihika, ā, kāore e whakaatuhia ana te whakahoahoa haumaru. I te nuinga o te wā kāore e whakamahia ana ngā pūkoro ure.

Ka pāngia peheatia au?

Te āhua o te tinana – Kua pokaina ngā tinana o ētehi o ngā kaiwhakaari karihika. Ki te whakataurite i te tinana o tangata noa ki ngā tinana o ngā kaiwhakaari karihika, ka hē pea ngā whakaaro mō te tinana tangata, me te aha, ka manawarau pea te tangata. 

Te pānga ki te whakahoahoatanga me te onioni. Mā te mātakitaki i te karihika e tau ai pea ngā kawatau kore whai hua, me te aha, ka  mimiti haere te pai o te onioni tūturu.

Ka manawarau pea te tangata i te whakataurite i te karihika ki tā te onioni tūturu.

He wā hoki pea ōna ka kino haere te onioni me te kore haumaru.

Ngā waiaro – Mā te mātakitaki i te karihika e pōhēhē ai te tangata he pai noa iho te onioni tūkino. Nā te mea e hia kē te karihika e aro ana ki ngā hiahia me ngā pēhitanga o ngā tāne ka whakaarohia te wahine ānō nei he mōkai.    

Mā te mātakitaki i te karihika e tau ai pea ngā whakaaro me ngā kawatau kore whai hua mō te onioni. 

Ka haere ngātahi ngā whakahoahoa onioni pai me te whakaae, te whakaute, te haumaru anō hoki.

Ka warawarahia te tangata e te karihika?

I ētahi wā ka warea te tangata e te karihika, me te aha, kei raro ia e pūtu ana. 

Kāore e taea e ētahi te whakamutu i te mātakitaki ahakoa e hiahia ana ki te whakamutu. 

Ki whea au e whai āwhina ai?

Mehemea kei te āwangawanga koe i te nui o te karihika e kite ai koe, mā konei koe e whakamātautau i a koe anō Do I Watch Too Much Porn?

Mehemea kei te hia āwhina koe ka kitea mā The Light Project: I Need Help With Porn.

He honongaitua whai pānga.

Ngā paetukutuku hira

  • Netsafe: He nui ngā tohutohu a Netsafe mā te katoa mai i ngā mātua ki te hunga taiohi, me pēhea te noho haumaru i runga ipurangi.
  • Youth Law: Mēnā kei te māharahara koe mō te ture, ō tika rānei hei tangata taiohi, me ō whanaungatanga, he momo tohutohu, rauemi hoki ā Youth Law me tirotiro. He tuku i ngā tohutohu ture koreutu me tētahi waea āwhina mēnā kei te hiahia kōrero ki tētahi tangata.

Next in Te tiaki i ahau anō me ētahi atu