Kua kōrerohia i tēnei whārangi:

He aha te take me pōti ahau?

He mea nui ki a koe e hia te rahi o te tāke e utua ana e koe? He whakaaro ōu mō te anamata o te taiao? Ki ōu whakaaro pea kāore koe i te rata ki ngā utu mō te ako? Ko te pōti tō whai wāhitanga hei whakaawe i ngā whakatau tikanga. He mōtika nōu te tuku pōti i tētahi iwi taupori, ā, ka taea te whakauru i te rōpū e hāngai ana ki ōu whakaaro. I Aotearoa me 18 ō tau mō te āhei ki te pōti.

Ngā hono whaitake:

Me pēhea taku whakatau me pōti ahau i a wai?

Ka taea e mātau te tuku mōhiohio atu anō ki a koe mō te wā, te wāhi, ā, pēhea te pōti engari nāu ake te whakatau mō te hunga me pōti koe.

Me whakarongo ki ngā kōrero a ngā rōpū me ngā kaitono. Me whai haere i a rātau i runga i a Pukamata, haere rānei ki ā rātau paetukutuku. Haere ki ā rātau hui. Me rapu ko wai te mea ka tino taunaki i a koe me te hunga e pātata ana ki a koe.

Ngā pōtitanga mō te Pāremata - He pēhea te mahi a MMP?

Ko te tikanga o te MMP ko te Mixed Member Proportional, arā, te Whirirua, he pūnaha pōti e whakamahia ana i Aotearoa hei whakarite ko wai ka whiwhi tūru i roto i te Pāremata. Ko te tikanga o tēnei ka āhei koe ki te tuku i ngā pōti e rua: kotahi mō te rōpū e hiahia ana koe hei ārahi i te Kāwanatanga (e kīia ana ko te pōti ā-rōpū), ā, ko tētahi mō te tangata hei māngai mōu (e kīia ana ko te pōti rohe pōti). Ko te maha o ngā tūru ka whiwhi ia rōpū i rō Pāremata kei te rahinga o tana whiwhi i te pōti ā-rōpū.

Mō tētahi tirohanga matawhānui ake, tirohia te ataata i raro i YouTube:

MMP (Mixed Member Proportional)

Ngā hono whaitake:

Te hītori o te MMP

I kōwhiri ngā tāngata o Aotearoa ki te whakarerekē i tā tātau tikanga pōti ki te MMP i te tau 1993. Mai i taua wā he maha ngā rōpū rerekē i uru ki te waihanga i tētahi Kāwanatanga. Tirohia te hono i raro hei pānui i te hītori o te MMP:

Ngā utauta pōti

He rauemi utauta a ‘Policy’ i hangaia mō ngā pōti ā-motu 2017 kia pai te whai māramatanga ki ngā kaupapa here o ia rōpū tōrangapu. Ka taea tonutia te paetukutuku te whakamahi ki te whakaatu i tō tautoko i ngā kaupapa here, ki te kite hoki i ngā arotake me ngā rōpu tōrangapū e pai ai koe. 

Ngā hono whaitake:

Ngā pōtitanga ā-rohe

Ko ngā pōtitanga ā-rohe tā tātau tikanga mō te whiriwhiri ko wai ō tātau māngai ki ō tātau kaunihera tāonenui, ā-takiwā, ā-rohe hoki, me ō tātau poari hauora ā-rohe. Whakahaerehia ai ēnei pōtitanga i ia toru tau, i te Whiringa-ā-rangi i te nuinga o te wā. Me mātua rēhita koe ki te pōti, ā, me hou ō taipitopito wāhi noho. Whakahaerehia ai ngā pōtitanga mā te mēra.

Ngā paetukutuku hira

  • Te Kaitiaki Take Kōwhiri: Kei Te Kaitiaki Take Kōwhiri te kawenga mō te whakahaere i ngā pōtitanga pāremata, ā, he nui ana mōhiohio mō te pōti kei tana paetukutuku.
  • Pāremata: He rauemi pai te paetukutuku o Te Pāremata o Aotearoa mō te ako mō te pūnaha MMP, ngā mahi a te Pāremata, ā, me pēhea tō whai wāhi atu me te whakaputa i ō whakaaro.
  • Kaupapahere: He utauta, i hangaia mō te pōtitanga 2017, e māmā ai te rapu mōhio mō ngā kaupapahere a ia rōpū. Ka taea tonu e koe te pae te 'paingia', te 'makau' rānei i ā rātau kaupapahere i a koe tirotiro ana me te kite i tētahi tātaritanga o ērā, ā, me ngā mea e tino hiahia ana koe ina reri koe.

Next in Te kāwanatanga me te pōti