Rēhita ki te pōti

Ko wai ka āhei ki te pōti?

Mēnā 18 ō tau, pakeke atu rānei, he kirirarau koe nō Aotearoa, he kaihono tūturu rānei, ā, kei Aotearoa koe e noho ana, me rēhita koe ki te pōti. Ehara i te mea he whakature te pōti, engari anō te rēhita ki te pōti.

Ko te aronga kē, mēnā he kirirarau koe, ā, kāore koe i roto i te whenua i roto i ngā tau e toru kua taha atu nei, he kainoho tūturu rānei kāore i roto i te whenua i roto i ngā marama 12 kua huri, kei rō whare herehere rānei i te wā o tētahi pōtitanga, kāore koe e āhei ki te pōti.

Ngā hono whaitake:

• Te Kaitiaki Take Kōwhiri – 'Who can and can’t enrol'

Me pēhea taku rēhita ki te pōti?

He tukanga māmā te rēhita ki te pōti, ā, ka taea noatia mai i tō waea atamai. Ka taea e koe te rēhita ki te pōti i te kotahi tau i mua i tō huritau 18 - i tō ekenga ki te 17 tau. E kīia ana tēnei ko te rēhita tōmua, arā, ka rēhita noa koe ki te pōti i tō huritau18.

Hei rēhita i a koe, haere ki te paetukutuku a Te Kaitiaki Take Kōwhiri.

Ngā hono whaitake:

• Te Kaitiaki Take Kōwhiri – 'Enrol, check or update now!'

Me pēhea taku rēhita mēnā he Māori ahau, ā, kei te hiahia ahau ki te eke atu ki te Rārangi Pōti Māori?

Ko te Kōwhiringa Pōti Māori he kōwhiringa mā te Māori kia whakatauria te rārangi pōti e hiahia ana aia: ko te rārangi whānui rānei, ko te rārangi Māori rānei.

Mehemea he Māori koe, ā, ko tēnei tō rēhitatanga mātahi ki te pōti, ka kōwhiri koe i te rārangi pōti e hiahia nā koe.

Ka āhei hoki koe ki te whakawhiti i tō kātū rārangi ahakoa te wā, engari kaua:

• i roto i te 3 marama i mua i tētehi pōtitanga ā-motu
• i roto i te 3 marama i mua i ngā pōtitanga ā-rohe ka tū i ia 3 tau
• i mua i tētehi pōtitanga pāerotanga ā-pāremata, mehemea nā tō whakawhitinga, ka nekehia koe ki te rohe pōti e tū ai taua pōtitanga pāerotanga.

Ngā hono whaitake:

• Te Kaitiaki Take Kōwhiri – Enrol and vote as a New Zealand Māori

He aha te take me aro atu ahau?

Ehara pea te tuku pōti i te mahi māmā, ngāwari rawa i tō mutunga wiki, engari he tino whai kiko. Ko te kāwanatanga kei te kaiwhakaawe i te āhua o te noho i Aotearoa – ka mutu, he tikanga whai mana tō pōti mō te whakairo i taua tirohanga.

Mēnā kei te uaua tō whiriwhiri me pōti koe i a wai me te take e hira ai, he tīmatanga pai te pānui i tā mātau tuhipānui i raro.

Ngā hono whaitake:

• Te Kete Mā Ngā Tamariki Wehe i te Kura - 'Te pōti'

Ngā paetukutuku hira

• Te Kaitiaki Take Kōwhiri: Kei Te Kaitiaki Take Kōwhiri te kawenga mō te whakahaere i ngā pōtitanga pāremata, ā, he nui ana mōhiohio mō te pōti kei tana paetukutuku.