Kua kōrerohia i tēnei whārangi:

Tahua tautoko ākonga

He utu ā-wiki te Tahua Tautoko Ākonga ka āhei atu pea koe i a koe e ako tūturu ana hei āwhina i a koe ki te utu i tō wāhi noho, kai, kākahu me ētahi atu whakapaunga o ia rā. Kāore koe e mate ki te whakahoki, engari ko te rahinga ka whiwhi koe kei te āhua o ngā mea pērā i tō moni whiwhi, tō āhuatanga noho me ngā moni whiwhi a ō mātua.

E whiwhi ai i tētahi tahua tautoko ākonga, me ū ki tētahi o ēnei:

  • he kirirarau nō Aotearoa
  • e noho ana i Aotearoa mō te toru tau te iti rawa me tētahi kōkota wāhanga kainoho
  • he whakaruru, tāngata whakamaru rānei
  • he mea tautoko koe e tētahi o te whānau he whakaruru, tangata whakamaru rānei.

Kāore koe e āhei ki te whiwhi i tētahi tahua tautoko ākonga mēnā e neke atu ngā moni whiwhi tōpū a ō mātua i te $98,653.52 mēnā e noho ana koe me rāua, he $106,371.71 rānei mēnā karekau.

Me wawe tonu tō tono hei whakarite ka tae atu ō utunga i te wā tika, me mahi tērā mā te paetukutuku Hoto Akoranga. Tirohia te hono 'Tahua Tautoko Ākonga' mō ētahi atu mōhiohio me pēhea te mahi i tēnei.

Ngā hono whaitake:

Pūtea taurewa ākonga

Kua whakaritea ngā pūtea taurewa ākonga hei āwhina i a koe ki te utu i āu nama akoranga, ngā utu o ia rā, me ngā rauemi ako pērā i te rorohiko pōnaha. Engari me utu e koe taua pūtea ā tōnā wā. Koinā te rerekētanga i te Tahua Tautoko Ākonga. Ehara i te mea me ukiuki tāu mahi ako engari, he whakaritenga ako iti rawa e whai wāhi ai koe ki te pūtea taurewa ākonga.

He ōrite ngā whakaritenga kainoho mō te Pūtea Taurewa Ākonga ki te Tahua Tautoko Ākonga engari kei reira ētahi whakatiki mō ngā mea ka taea, kāore e taea rānei tēnei tahua te whakamahi.

Ko ngā tauira mō ngā mea kāore e taea te whakamahi:

  • ko ngā ratonga pērā i ngā utu rōpū ākonga
  • ngā utu mō te whakaurunga tōmuri
  • he rahinga nui hei utu i te katoa o ō utu nōhanga ākonga.

Ina mutu tō ako, kāore koe e mate ki te utu i tō pūtea taurea ki Te Tari Taake (IR) kia neke atu rā anō ō moni whiwhi i te NZ$20,020 i te tau i mua i te tāke. He rerekē anō ngā ture mēnā ka haere koe ki tāwāhi, pērā i te utu itarete mō tō pūtea taurewa, nō reira me pānui he aha ēnei mēnā kei te whakarite koe ki te haere ki tāwāhi.

He tirohanga pai te ataata IR e whai ake me pēhea te utu i tō pūtea taurewa ākonga i a koe e noho ana i Aotearoa. Ki te haere koe ki tāwāhi, me tiro tērā atu hono IR i raro.

Student Loan Tips From Across The Ditch

Mēnā kei te mahi koe me te ako ka taea e koe te tono mō tētahi aweretanga mō ō utunga pūtea taurewa ākonga. Mā ēnei āwhina koe e whai huarahi hei tautoko ā-pūtea i a koe e ako ana.

Ngā hono whaitake:

Ngā karahipi

He āwhina nui ngā karahipi mēnā kei te whai koe ki te whakauru ki tētahi momo mātauranga matua. Ka tukuna pea mō ētahi tūmomo pūtake, tae atu ki:

  • tō whakatutukitanga i te kura
  • te rohe e noho ana koe
  • te ahumahi, mahi ā-rehe rānei e tino hiahia ana koe.

He maha ngā karahipi kāore e kerēmetia ia tau, nō reira ahakoa ki ō whakaaro kāore pea koe e āhei atu ki tētahi, he pai tonu te tirotiro he aha kei te wātea. Ka ohorere pea koe!

Tirohia te paetukutuku a te whare mātauranga matua e hiahia ana ki te haere atu kia kitea he aha ngā karahipi e tukuna ana e rātau. He mōhiohio anō pea kei ngā pae e whai ake mō ngā karahipi:

Mō ētahi atu mōhiohio me ngā hono hei āwhina i a koe kia mārama ai ki ngā karahipi mātauranga matua, tirohia tā mātau tuhipānui mā te pāwhiri i te hono i raro.

Ngā hono whaitake:

Ako Kore Utu mō te ako, whakangungu rānei

Mā te hunga kei te tīmata i te mātauranga matua, whakangungu matua rānei mō te wā tuatahi te Ako Kore Utu. Mēnā he kirirarau koe nō Aotearoa, ā, i uru koe ki tētahi kura i te tau 2017, i muri rānei, ka āhei pea koe ki te whiwhi i te Ako Kore Utu!

Mō ētahi atu kōrero, haere ki te paetukutuku Fees Free i raro ka whakakī i tō Tau Ākonga ā-Motu (NSN). Me mātua whakarite ka tirotirohia e koe tō āheitanga i mua i tō tono mō tētahi pūtea taurewa ākonga kia kore ai e riro mai he nama tē hiahiatia!

Ngā hono whaitake:

Te whai mahi i a koe e ako ana

He maha te hunga ka whai mahi hei tautoko i a rātau anō i te wā e ako ana. Ka taea anō te tautoko i tō tohu, me te āwhina i a koe ki te whakawhanake i ō pūkenga e hiahiatia ana mō te ohu mahi.

He rauemi rawe te paetukutuku a Te Rōpū Rapu Mahi Tauira mō te rapu mahi i a koe e ako ana:

Ahakoa ka tīmata tō mahi hei kaimahi, kaikirimana rānei, me tuku koe i ngā kōrero tauwhāiti ki tō kaituku mahi hei whakarite ka tākehia te rahinga tika.

Hei whiriwhiri e hia te nui o te tāke me utu koe, he utauta whaitake ā te IR:

Heoi, ka taea anō e koe te tono aweretanga mai i te utu i tō pūtea taurewa ākonga i a koe e mahi ana, e ako ana. Tirohia te hono IR i raro mō ētahi atu mōhiohio.

Ngā hono whaitake:

Ngā paetukutuku hira

  • Te Tari Taake: Ko te Te Tari Taake, te IR rānei, te tari Kāwanatanga kei a ia te mana mō te kohi tāke.
  • Sorted: He pae pūtea whaiaro a Sorted kua whai utauta me ngā mōhiohio e hiahiatia ana e koe hei whakahaere i ō nama, te whakamahere me te whai i te mahere pūtea, te penapena me te haumi, te whakarahi atu i tō KiwiSaver, te whakamahere mō tō ahungarua, te whakamaru i ngā mea hira, me te whai mōkete. He mōhiohio pai anō kei reira hei āwhina i a koe me ngā kaupapa pērā i Ngā Pūtea Taurewa Ākonga.
  • Hoto Akoranga: E tuku ana a StudyLink i ngā mōhiohio maha mō te ako - e hia te utu, me pēhea te utu, ā, me pēhea te tono.

Next in Mātauranga matua