Kua kōrerohia i tēnei whārangi:

Te kapetuhi ataata available for He Teka mō ngā Tamariki Wehe i te Kura: Kotahi Huaki Kati
He puoro ngangahau e rere ana.

Kainga kāmera: E tū ana te kaikōrero ki te whare pārekereke, he paepae tipu iti kei ōna ringa. Kei te āhua horotea ngā tae. He rerekē tōna reo. E anga ana ia ki wāhi kē.

Kaikōrero: Ina wehe koe i te kura, me mau tonu koe ki te ara mātauranga. Ki te kore, kua kore mō ake tonu atu.

Kainga kāmera: Ka paku oreore te kāmera, ka mumura ake ngā tae. Ka anga mai te kaikōrero ki te kāmera, ā, ka hoki ki tōna ake reo.

Kaikōrero: Nē? E 53 ngā tau o taku kuia, ka tīmata ia ki te ara mātauranga. Ana kei taua ara tonu i tēnei wā.

Kainga kāmera: E hīkoi ana te kaikōrero i tētahi māra a te hapori e mahi nei ia hei tūao.

Kaikōrero: Kua mahi ia hei whaea, hei kaipāmu, hei taraiwa pahi, hei rōia, hei kaihoahoa whare. He panoni tonu ngā pārekareka me ngā whāinga a te tangata. He pērā anō ngā arawātea. E rua noa ngā ara mahi i wātea ki taku kuia i tōna taiohinga; i ēnei rā, e 2000.
Nō reira, e te whānau, kaua e pōnānā.
He rā anō, he ara anō āpōpō.

Kei te mata: Rapua ngā ara me te mauritau i Te Kete Mā Ngā Tamariki Wehe i te Kura. school-leavers-toolkit.education.govt.nz, me ngā waitohu o Te Tāhuhu o te Mātauranga me Te Kete Mā Ngā Tamariki Wehe i te Kura.
Te kapetuhi ataata available for He Teka mō Ngā Tamariki Wehe i te Kura: Rua Huaki Kati
He puoro ngangahau e rere ana.

Kainga kāmera: E tū ana te kaikōrero ki te whare hokorua, kei te karapotia e te kākahu. Kei te āhua horotea ngā tae. He rerekē tōna reo. E anga ana ia ki wāhi kē.

Kaikōrero: Wehe kau anō koe i te kura, rere ana te tāima. Me mātua whakauru ki tētahi akoranga, ahakoa te aha.

Kainga kāmera: Ka paku oreore te kāmera, ka mumura ake ngā tae. Ka anga mai te kaikōrero ki te kāmera, ā, ka hoki ki tōna ake reo.

Kaikōrero: Ha! He rite tērā ki te kī ake, he pai ake te whaiāipo, ahakoa pēhea taua tangata, tēnā i te kore whaiāipo.

Kainga kāmera: Kei te nuku haere te kaikōrero i te whare hokorua. Kua nanao ake i ētahi mea, me te tuku atu anō.

Kaikōrero: Mea ake, kua mārenatia māua ko tētahi wahine rauhī ngeru, ahakoa taku mate pāwera ki te ngeru! Hei aha māku tērā. Kei te nui te…

Kainga kāmera: Ka nanao ake te kaikōrero i tētahi karaka tino nui.

Narrator: …tāima i mua i te whakapau moni me te whakakī maramataka. Tērā au ka mahi, ka penapena moni, ka āta noho tahi ki te whānau, ka kōrerorero, ā, kia mōhio rawa au he aha taku hiahia, kua rite au te hāpai ake i runga i te tika.

Kainga kāmera: Ka noho te kaikōrero, ka whakamau pōtae, ka tangi te mapu.

Kaikōrero: Koia rā!

Kei te mata: Rapua ngā ara me te mauritau i Te Kete Mā Ngā Tamariki Wehe i te Kura. school-leavers-toolkit.education.govt.nz, me ngā waitohu o Te Tāhuhu o te Mātauranga me Te Kete Mā Ngā Tamariki Wehe i te Kura.
Te kapetuhi ataata available for He Teka mō Ngā Tamariki Wehe i te Kura: Toru Huaki Kati
He puoro ngangahau e rere ana.

Kainga kāmera: E tū ana te kaikōrero ki te wharekai. He tokotoru e noho ana ki te tēpu kei mua i a ia. Kei te āhua horotea ngā tae. He rerekē te reo o te kaikōrero. E anga ana ia ki wāhi kē.

Kaikōrero: Ahakoa he aha te akoranga, he pai ake te ako, tēnā i te whakauru ki te hunga mahi.

Kainga kāmera: Ka paku oreore te kāmera, ka mumura ake ngā tae. Ka anga mai te kaikōrero ki te kāmera, ā, ka hoki ki tōna ake reo.

Kaikōrero: Oooph, ehara pea tēnā i te kaimahi papai katoa o te marama e kōrero ana.

Kainga kāmera: E nuku haere ana te kaikōrero i te wharekai, he weita hoki ia i konei. Kei te whakatika haere i ngā tēpu.

Kaikōrero: Ki a au nei, he ako anō kei roto i te mahi. Ka roa ake ki te aramahi, ka nui ake ngā mea e ākona ana. He rite te piki ki tūranga o runga ake ki te puta me tō tohu mātauranga, engari kāore ō mātua e tae mai. Ka tino rerekē me i pērā! Ka mutu, he maha ngā kaituku mahi, pēnei i tōku nei, ka āwhina i a koe ki te whaiwhai tohu mātauranga i a koe e mahi ana.

Kainga kāmera: Kei te taha o te kāuta te kaikōrero. Kei te tiki pereti kai hei kawe ki ngā tēpu.

Kaikōrero: I aku mahi i konei, ka rongo au i te pārekareka o te ao kai. Kei te ako au mō te toitūtanga o te kai, ā, anei taku rōpū tautoko, nē rā e hoa mā?

Ngā reo mai i te kāuta: Woo!

Kaikōrero (e hiamo ana te reo): Ānana!

Kei te mata: Rapua ngā ara me te mauritau i Te Kete Mā Ngā Tamariki Wehe i te Kura. school-leavers-toolkit.education.govt.nz, me ngā waitohu o Te Tāhuhu o te Mātauranga me Te Kete Mā Ngā Tamariki Wehe i te Kura.
Te kapetuhi ataata available for He Teka mō Ngā Tamariki Wehe i te Kura: Whā Huaki Kati
He puoro ngangahau e rere ana.

Kainga kāmera: E tū ana te kaikōrero ki te whare hokorua. He taputapu kāuta e karapoti ana i a ia. Kei te āhua horotea ngā tae. He rerekē tōna reo. E anga ana ia ki wāhi kē.

Kaikōrero: Mā te whiwhi tohu mātauranga whare wānanga anake e whiwhi mahi ai koe.

Kainga kāmera: Ka paku oreore te kāmera, ka mumura ake ngā tae. Ka anga mai te kaikōrero ki te kāmera, ā, ka hoki ki tōna ake reo. Ka naomia ake he koheri hēki, hei tohu atu māna ki te kāmera.

Kaikōrero: Wou, e kī! Kei te mōhio pū nei koe? Ehara pea i te tīmatanga pai ki tō ako i te whakaaro arohaehae.

Kainga kāmera: E nuku haere ana te kaikōrero i te whare hokorua, e hipa ana i ētahi atu e tirotiro ana i ngā taonga. Ka naomia ake e ia he mea, ka tukuna anō.

Kaikōrero: Kei te pai, kei a koe ōu whakaaro, engari ki a au nei he kōwhiringa tonu āku. Ko te ao taku tio, taku kina, taku pāua. Ka haere pea au ki te whare wānanga, ki te kuratini, ki te wānanga , ki te ako ringarehe …

Kainga kāmera: Ka tū te kaikōrero ki te pae pukapuka o te whare.

Kaikōrero: … ki te karawhiua ngā mahi katoa ka whāia e au, ka puta noa mai taku tino tūranga ā tōna wā e tika ana.

Kei te mata: Rapua ngā ara me te mauritau i Te Kete Mā Ngā Tamariki Wehe i te Kura. school-leavers-toolkit.education.govt.nz, me ngā waitohu o Te Tāhuhu o te Mātauranga me Te Kete Mā Ngā Tamariki Wehe i te Kura.
Te kapetuhi ataata available for He Teka mō Ngā Tamariki Wehe i te Kura: Rima Huaki Kati
He puoro ngangahau e rere ana.

Kainga kāmera: E tū ana te kaikōrero ki te māra hapori, he paukena kei ōna ringa. Kei te āhua horotea ngā tae. He rerekē tōna reo. E anga ana ia ki wāhi kē.

Kaikōrero: Kia mau mai te tohu mātauranga ki tō ringa, nōu te angitu.

Kainga kāmera: Ka paku oreore te kāmera, ka mumura ake ngā tae. Ka anga mai te kaikōrero ki te kāmera, ā, ka hoki ki tōna ake reo.

Kaikōrero: Engari he ara anō pea e angitu ai te tangata.

Kainga kāmera: E nuku ana te kaikōrero i te māra. He tūao hoki ia i te māra nei. Kei te pana i te huripara ki tētahi wāhi o te māra e ngakia ana e ia.

Kaikōrero: Ka mutu, he aha te angitu? Ko te whiwhi i te moni nui? Ko te rongonui? Ko te whakaea i tētahi hara? Uu, he āhua hōhonu rawa pea tērā. Engari mā tēnā, mā tēnā anō e tautuhi te angitu mōna, ka hoki whakamuri ai ki te whiriwhiri i te ara atu ki reira. Nāku i tautohu te oranga mōku, arā, ko te huawhenua. Nō reira anei au e tūao nei, e ako nei, ā, inā kē te nui o taku ora!

Kei te mata: Rapua ngā ara me te mauritau i Te Kete Mā Ngā Tamariki Wehe i te Kura. school-leavers-toolkit.education.govt.nz, me ngā waitohu o Te Tāhuhu o te Mātauranga me Te Kete Mā Ngā Tamariki Wehe i te Kura.
Te kapetuhi ataata available for He Teka mō Ngā Tamariki Wehe i te Kura: Ono Huaki Kati
He puoro ngangahau e rere ana.

Kainga kāmera: E tū ana te kaikōrero ki te wharekai e mahi nei ia hei weita, he pereti kei tōna ringa, he hamupaka kei runga. Kei te āhua horotea ngā tae. He rerekē tōna reo. E anga ana ia ki wāhi kē.

Kaikōrero: Mēnā koe e ako ana i tētahi wāhi i tua atu i te whare wānanga, he moumou tāima.

Kainga kāmera: Ka paku oreore te kāmera, ka mumura ake ngā tae. Ka anga mai te kaikōrero ki te kāmera, ā, ka hoki ki tōna ake reo.

Kaikōrero: E hē, kei te mōhio tō tāua nei reanga taiwhana kei te hē kē tērā kōrero.

Kainga kāmera: E nuku haere ana te kaikōrero i te wharekai kī pai i te tāngata. Ka tū ki tētahi tēpu, ka mahi i tētahi mahi, ka haere anō, ka tū anō.

Kaikōrero: He piko, he ako, he piko, he ako. He pūkenga, he mātauranga kei ngā wāhi katoa, ka mutu ka pērā ā mate noa. Ka taea te ako haere i te mahi, i te kura paetoru, ki aua wāhi e rua, ki wāhi kē atu rānei…

Kainga kāmera: Kei te whakakīia e te kaikōrero te karaihe wai a tētahi wahine e mahi ana i tāna rorohiko. E kite ana te wahine rā kāore te kaikōrero i te titiro ki te karaihe. Ka paku nekehia e ia tana rorohiko, kei mākū.

Kaikōrero: … engari e ako tonu ana ahakoa ki hea!

Kei te mata: Rapua ngā ara me te mauritau i Te Kete Mā Ngā Tamariki Wehe i te Kura. school-leavers-toolkit.education.govt.nz, me ngā waitohu o Te Tāhuhu o te Mātauranga me Te Kete Mā Ngā Tamariki Wehe i te Kura.
Te kapetuhi ataata available for He Teka mō Ngā Tamariki Wehe i te Kura: Whitu Huaki Kati
He puoro ngangahau e rere ana.

Kainga kāmera: E tū ana te kaikōrero i mua i te māra hapori. Kei te āhua horotea ngā tae. He rerekē tōna reo. E anga ana ia ki wāhi kē.

Kaikōrero: Kāore he take o te ako ki te kore ō pae tawhiti.

Kainga kāmera: Ka paku oreore te kāmera, ka mumura ake ngā tae. Ka anga mai te kaikōrero ki te kāmera, ā, ka hoki ki tōna ake reo. Ka tīmata tana tango i ana karapu mahi māra.

Kaikōrero: Ā, ka pai rā kua takoto kē tō mahere pae tawhiti. Kāore anō kia takoto tāku. Engari kei te mahi tonu au ki te whawhao pūkenga pai ki taku kete.

Kainga kāmera: E hīkoi ana te kaikōrero i te māra hapori e mahi nei ia hei tūao.

Kaikōrero: He huhua ngā ara ako papai e noho tuwhera tonu ai ngā aramahi mōku. Arā hoki ngā tūranga mahi maha o anamata kāore anō kia tū mai. Kua rongo rānei koe mō tētahi tūranga tumuaki mātai hinengaro ahumoana? Ko tāua tahi, kāore anō kia rongo.

Kainga kāmera: Ka kake te kaikōrero i te pahikara kawe onepōpopo mō te māra, ka tīmata te pahikara atu.

Kaikōrero: Engari kia mau tonu mai!

Kei te mata: Rapua ngā ara me te mauritau i Te Kete Mā Ngā Tamariki Wehe i te Kura. school-leavers-toolkit.education.govt.nz, me ngā waitohu o Te Tāhuhu o te Mātauranga me Te Kete Mā Ngā Tamariki Wehe i te Kura.
Te kapetuhi ataata available for He Teka mō Ngā Tamariki Wehe i te Kura: Waru Huaki Kati
He puoro ngangahau e rere ana.

Kainga kāmera: E tū ana te kaikōrero ki waho o te wharekai e mahi nei ia hei weita. Kei te āhua horotea ngā tae. He rerekē tōna reo. E anga ana ia ki wāhi kē.

Kaikōrero: Kua mōhio au ki te aramahi mōku mai i te wā e whitu aku tau.

Kainga kāmera: Ka paku oreore te kāmera, ka mumura ake ngā tae. Ka anga mai te kaikōrero ki te kāmera, ā, ka hoki ki tōna ake reo.

Kaikōrero: Tō waimarie hoki e mōhio kē ana koe he aha tō hiahia i te ao mahi.

Kainga kāmera: Kei te hīkoi te kaikōrero me te mahi i ētahi mahi mā te wharekai, pēnei i te whakatū i te tohu tuwhera me te neke i te ipupara i a ia e kōrero ana.

Kaikōrero: E mahi noa ana au kia pai aku whakatau takitahi, me te whakapono anō ka tatū pai ngā mea katoa ā tōna wā. Pēnei i tēnei rā nei, kei te whiriwhiri au me āta arotahi rānei au ki te kaupapa kotahi, ka ruku hōhonu ai i tērā, me whānui rānei te whāwhā i ngā kaupapa maha. He uaua te whiriwhiri. Kāore he aratohu mō te ngākau koa.

Kainga kāmera: Kua pēhi te kaikōrero i te pātene o te wharewaka kei muri o te wharekai, ā, e āta huaki mai ana. Kāore anō kia tuwhera rawa, kua kuhu kē atu te kaikōrero.

Kaikōrero: Engari ki te tūpono koe ki tētahi, tukua mai koa te hononga!

Kei te mata: Rapua ngā ara me te mauritau i Te Kete Mā Ngā Tamariki Wehe i te Kura. school-leavers-toolkit.education.govt.nz, me ngā waitohu o Te Tāhuhu o te Mātauranga me Te Kete Mā Ngā Tamariki Wehe i te Kura.
Te kapetuhi ataata available for He Teka mō Ngā Tamariki Wehe i te Kura: Iwa Huaki Kati
He puoro ngangahau e rere ana.

Kainga kāmera: E tū ana te kaikōrero ki te kokonga takawairore o te whare hokorua. Kei te āhua horotea ngā tae. He rerekē tōna reo. E anga ana ia ki tētahi anuhe nui kei te whakakorikorihia e ia.

Kaikōrero: Ko tō kore e mōhio ki tō anamata, he tohu mate.

Kainga kāmera: Ka paku oreore te kāmera, ka mumura ake ngā tae. Ka anga mai te kaikōrero ki te kāmera, ka tukua te anuhe, ā, ka hoki ki tōna ake reo.

Kaikōrero: Hei! Kei tēnā, kei tēnā ōna anō whakaaro. Engari kei te pai ki a au te kore e mōhio.

Kainga kāmera: E nuku haere ana te kaikōrero i te whare hokorua me te nanao haere i ētahi taonga.

Kaikōrero: He pai ki a au te ruku kau atu, mā te wai o wheako e whakaata mai te ara. Ā, me pēnei pea te kōrero … he wā anō ka ruku au, he wā anō ka tuku noa i te kōnui ki te wai.

Kainga kāmera: Ka whakapā atu te kaikōrero ki tētahi tipu tiotio horihori, me te whakataruna kua mamae te matimati.

Kaikōrero: Koinā hoki te kaupapa o ngā hōtaka utukore me ngā akoranga tūāpapa.

Kainga kāmera: Ka nanao atu tētahi ringa o te kaikōrero ki te putiputi nui, he kōwhiuwhiu kei tērā atu ringa.

Kaikōrero: He maha ngā kōwhiringa! Ehara tēnei mea te oranga i te pātītī, he raorao …

Kainga kāmera: Ka hongi te kaikōrero i te putiputi, me te kaha kōwhiuwhiu anō i a ia.

Kaikōrero: … putiputi tipu koraha tikanga rehurehu!

Kei te mata: Rapua ngā ara me te mauritau i Te Kete Mā Ngā Tamariki Wehe i te Kura. school-leavers-toolkit.education.govt.nz, me ngā waitohu o Te Tāhuhu o te Mātauranga me Te Kete Mā Ngā Tamariki Wehe i te Kura.
Te kapetuhi ataata available for He Teka mō Ngā Tamariki Wehe i te Kura – te kōputunga Huaki Kati
Lively, upbeat music plays throughout.

On camera: We see three narrators speaking to the camera about their experiences. One is in a second-hand store, one is working in a restaurant and the other is volunteering at a community garden. The colours are not very vibrant. The Narrators are speaking in funny voices and looking away from the camera.

Narrator one: You got to keep studying as soon as you leave school, it's now or never!
Narrator two: Just sign up for anything!
Narrator three: …Better than joining the workforce..
Narrator one: Once you've got that degree in your hand, you've made it.
Narrator three: There's no point studying…
Narrator one: …if you don't have long term vision.
Narrator three: I've known what I wanted to do since I was seven.
Narrator two: Being unsure about your future is a sign of weakness.

On camera: The camera shakes, the colour becomes more vibrant, the narrators look at the camera and return to their own voices. The take it in turns to quickly exclaim against what they have just heard.

Narrators (in turns) Woah, big call! Oooph! Well.. Hey! Woah! Really...? Um.. Nah!

Narrator three: I'm just trying to make one good decision at a timeand keep faith that things will work out in the long run.
Narrator two: I kind of dig uncertainty. I kind of like to just dive in and let the experience show me the way.
Narrator one: Let's not rush whānau, there's more than one way to seize the day.
Narrator two: …Might do some work, save, spend some quality time with the fam,
Narrator three: …and lots of employers, like mine, will actually help you gain other qualifications whilst you work.
Narrator one: Here I am, volunteering, learning and it's feeling pretty great.
Narrator two: I've got options, like the world is my oyster or kina or pāua.
Narrator one: Everyone should define success for themselves and then work backward to figure out the steps to get there.
Narrator three: There's skills and knowledge all around us and there will be for life.
Narrator one: My grandma started studying when she was 53 and she's still going!
Narrator two: I could go to uni, polytechnic, whare wānanga or do a trade.
Narrator three: We can level up on the job or at tertiary institutions
Narrator two: and as long as I give a hundy to everything that I do, I know my dream job will find me!

Text on screen: Get pathways and peace of mind with the School Leavers’ Toolkit. school-leavers-toolkit.education.govt.nz, along with the logos for Te Tāhuhu o te Mātauranga (Ministry of Education) and the School Leavers’ Toolkit.